ភ្នំពេញ៖ យុវជន២នាក់បើកបររថយន្តក្នុងសភាពស្រវឹងស្រាជោកជាំ ខ្វះការប្រុងប្រយ័ត្នត្រង់ចំណុចផ្លូវកោងក្រោមដីស្ពានអាកាសតិចណូ ក៏ជ្រុលទៅបុកខឿនបែកនិងរលាត់ថ្នាំខឿន ធ្វើឲ្យរថយន្តបង្កដាច់កាឡេកង់មុខខាង ស្តាំបើកទៅមុខលែងរួចតែម្តង ។
ករណីគ្រោះថ្នាក់ចរាចរខាងលេីនេះ បានកេីតឡេីងកាលពីវេលាម៉ោង១២ និង១៥នាទីរំលងអាធ្រាត្រឈានចូលថ្ងៃទី២៣ ខែធ្នូ ឆ្នាំ២០១៥ នៅចំណុចស្ពានអាកាសតិចណូក្រោមដី តាមបណ្តោយផ្លូវសហព័ន្ធរុស្សី សង្កាត់ផ្សារដេប៉ូ៣ ខណ្ឌទួលគោក ។
តាមប្រភពព័ត៍មានពីសាក្សីនៅកន្លែងកេីតហេតុ បានឲ្យដឹងថា មុនកើតហេតុគេបានឃើញបុរស២នាក់ជិះរថយន្ត១គ្រឿងម៉ាកឡិចសីុស RX330 ពណ៌ស ពាក់ស្លាកលេខភ្នំពេញ2AF-9779 បើកបរក្នុងស្ថានភាពស្រវឹងស្រាជោគជាំ ក្នុងទិសដៅពីជើងទៅត្បូងលុះបេីមកដល់ចំណុចខាងលេី ជាផ្លូវកោងក្រោមដីស្ពានអាកាសតិចណូ យ៉ាងលឿនក៏ជ្រុលចង្កូតទៅបុកខឿនផ្លូវបណ្តាលឲ្យឆ្គូតនិងបែកបន្តិចបន្តួចអស់៥កង់ រីឯរថយន្តបង្កបានដាច់កាឡេកង់មុខខាងស្តាំទៅមុខលែងរួច ។
ក្រោយពេលកើតហេតុរថយន្តបង្កត្រូវសមត្ថកិច្ចជំនាញស្ទូចយកទៅរក្សាទុកនៅចរាចរណ៌ជើងគោករាជធានីភ្នំពេញ ដើម្បីដោះស្រាយសងសំណងទ្រព្យសម្បត្តិរដ្ឋ ៕
...
ដោយ៖ ស ដារ៉ា
