ខេត្តរតនគិរី៖ នគបាលខេត្តរតនគិរីក្នុងរយ:ពេល៥ថ្ងៃនេះគេសង្គេតឃើញបានពង្រឹងសន្តិសុខយ៉ាងម៉ឺងម៉ាត់ ជាពិសេសដាក់កម្លាំងពង្រាយតាមគោលដៅសំខាន់ៗនៅក្នុងទីផ្សារដែលមានអាជីវករលក់មាសនឹងកន្លែងដូរវេរប្រាក់ដែលជាចំណុចប្រឈមសម្រាប់ក្រុមចោរប្លន់ធ្វើសកម្មភាព។
ការរឹតបន្តឹងសន្តិសុខពីសំណាក់កងកម្លាំងនគបាលខេត្តរតនគិរីក្រោយពីសម្តេចអគ្គមហាសេនាបតីតេជោ ហ៊ុន សែន ប្រមុខរាជរដ្ឋាភិបាលកម្ពុជាបានដាស់តឿនឲ្យកងកម្លាំងគ្រប់ប្រភេទការពារសន្តិសុខជូនប្រជាពលរដ្ឋឲ្យបានម៉ីងម៉ាត់ក្រោយពីមានអំពើប្លន់ប្រដាប់អាវុធយ៉ាងកក្រើកមួយរយ:ចុងក្រោយនេះនៅក្នុងរាជធានីភ្នំពេញ នឹងតាមបណ្តាលខេត្តក្រុងមួយចំនួននៅក្នុងប្រទេសកម្ពុជា។ បញ្ហប្លន់នេះដែរសម្តេចក្រឡាហោម ស ខេង ឧបនាយករដ្ឋមន្ត្រីនឹងជារដ្ឋមន្ត្រីក្រសួងមហាផ្ទៃ ថ្មីៗនេះក៍បានមានប្រសាសន៍ព្រមានបក ស័ក្តិនឹងដកដំណែងលោកស្នងការនគបាលខេត្តចំនួន៣ខេត្តបើសិនបង្ក្រាបចោរប្លន់មិនបាននោះទេ។
កងកម្លាំងនគបាលខេត្តរតនគិរីបានដាក់កម្លាំងពង្រាយការពារតាមគោលដៅសំខាន់ៗខាងលើត្រូវគេនិយាយថាក្រោមការដាក់ចេញវិធានការបង្ការទប់ស្កាត់អំពើលួចឆក់ប្លន់តាមបទបញ្ជារបស់ លោកឧត្តមសេនីយ៍ត្រី គឿន ស្នងការនគបាលខេត្តរតនគិរី។
តាមរយៈការអនុវត្តន៍បទបញ្ជាលោក ឧត្តមសេនីយ៍ស្នងការនគបាលខេត្តគេសង្គេតវឃើញថាកម្លាំងការពារយ៉ាងប្រុងប្រយ័ត្នប្រកបដោយស្មារតីទទួលខុសត្រូវខ្ពស់ប្រដាប់ដោយអាវុធវែងខ្លីគ្រប់ដៃដោយប្រើប្រាស់កម្លាំងល្បាតតាមម៉ូតូនឹងដាក់យាមកាមរាយតាមគោលដៅគ្រប់ច្រកល្ហកសំខាន់ៗចេញចូល។
ការដាក់កម្លាំងការពារពង្រឹងសន្តិសុខនេះសមត្តកិច្ចធ្វើឡើងនៅក្នុងទីប្រជុំជនសំខាន់ៗក្នុងក្រុងបានលុងដែលមានមនុស្សកកកុញច្រើន។
សូមបញ្ជក់ថា ខេត្តរតនគិរីក្រោយពីមានការរឹតបន្តឹងសន្តិសុខពីសំណាក់កងកម្លាំងនគបាលគេសង្គេតឃើញថាប្រជាពលរដ្ឋមានអារម្មណ៍កក់ក្តៅសប្បាយចិត្តចំពោះការយកចិត្តទុកដាក់រក្សាសន្តិសុខបង្ការទប់ស្កាត់បទល្មើសលួចឆក់ប្លន់នៅពេលនេះ ៕
ដោយ៖ អ៊ុច សាវុទ្ធ
