ខេត្តកំពង់ឆ្នាំង ៖ ក្រុមប្រជាពលរដ្ឋជាព្រាន ព្រៃដេីរប្រមញ់ឆ្លុះសត្វ៦នាក់ ត្រូវបានកម្លាំង កងរាជអាវុធហត្ថធ្វេីការឃាត់ខ្លួន ខណៈពួកគេដេីរបរបាញ់និងឆ្លុះសត្វនៅចំណុចភូមិ សាស្ត្រក្នុងភូមិសេះស្លាប់ ឃុំឆ្នុកទ្រូ ស្រុកបរិបូរណ៍។
ក្រុមព្រានព្រៃទាំង៦នាក់ ត្រូវបានឃាត់ខ្លួន នៅវេលាម៉ោង១២ យប់ឈានចូលថ្ងៃទី២៨ ខែកក្ដដា ឆ្នាំ២០១៩ ដោយកម្លាំងកងរាជអាវុធហត្ថខេត្តកំពង់ឆ្នាំង ដឹកនាំដោយលោក វរសេនីយ៍ទោ ហង្ស សុជាតិ ។ អ្នកទាំង៦នាក់ រស់នៅភូមិសេះស្លាប់ ឃុំឆ្នុកទ្រូ ស្រុកបរិបូរណ៍ខេត្តកំពង់ឆ្នាំង ។
ក្រោយការឃាត់ខ្លួនសមត្ថកិច្ចដកហូតបានសត្វទោម១៣០ក្បាល ខណៈពួកគេធ្វេីសកម្មភាពដឹកជញ្ជូនតាមទូកបំរុងឡេីងគោក។ ចំពោះក្រុមព្រានព្រៃទាំង៦នាក់បានយកទៅ
សាកសួរនិងធ្វេីកំណត់ហេតុ និងអោយធ្វេីកិច្ចសន្យាបញ្ឈប់ដេីរឆ្លុះសត្វបន្តទៀតរួចអោយត្រឡប់ទៅលំនៅឋានវិញ។
ជនសង្សយ័ទាំង៦នាក់ ដែលសមត្ថកិច្ចឃាត់ខ្លួនរួមមាន ៖
១.ឈ្មោះ ឡាយ ថង ភេទប្រុស អាយុ២០ឆ្នាំ
២.ឈ្មោះ កា បូលី ភេទប្រុស អាយុ៣០ឆ្នាំ
៣.ឈ្មោះ ហុក ឆុង ភេទប្រុស អាយុ៣៦ឆ្នាំ
៤.ឈ្មោះ ហុក សិត ភេទប្រុស អាយុ២០ឆ្នាំ
៥.ឈ្មោះ ទូច ស្រ៊ុន ភេទប្រុស អាយុ៣៥ឆ្នាំ
៦.ឈ្មោះ ហុក ឆេង ភេទប្រុស អាយុ៣៧ឆ្នាំ
មេបញ្ជាការរងកងរាជអាវុធហត្ថកំពង់ឆ្នាំងបានអោយដឹងថា សត្វទោមទាំង១៣០ក្បាល ត្រូវបានកម្លាំងកងរាជអាវុធហ្ថតខេត្តប្រគល់ទៅអោយខ័ណ្ឌរដ្ឋបាលព្រៃឈើខេត្តកំពង់ឆ្នាំង នាំយកយកទៅលែងអោយមានសេរីភាពវិញនៅព្រៃធម្មជាតិទំនប់២០ឧសភាវិញ ៕ ដោយ ៖ ជាយក្រុង
