ភ្នំពេញ៖នាយករដ្ឋមន្ត្រីនៃកម្ពុជា សម្តេចតេជោ ហ៊ុន សែន បានអរគុណចំពោះលោក Maithripala Sirisena ប្រធានាធិបតីស្រីលង្កា និង លោកស្រី ដែលបាននាំយកដើមពោធិ៍ព្រឹក្សមកពីក្រុងអនុរាធបុរៈ ប្រទេសស្រីលង្កា មកដាំនៅកម្ពុជា ដែលនាំមកនូវសេចក្តីសុខ សេចក្តីចម្រើនដល់ប្រទេសជាតិ និង ប្រជាពលរដ្ឋទូទាំប្រទេស ។

Facebook Page សម្តេចតេជោ ហ៊ុន សែន ចេញផ្សាយនៅរសៀលថ្ងៃទី១០ ខែសីហា ថា “ទន្ទឹមនឹងនេះដែរ លោកប្រធានាធិបតីក៏បានចូលរួមដាំដើមឈើតំណាងប្រទេសស្រីលង្កាចំនួន១០ដើម នៅមជ្ឈមណ្ឌលវិបស្សនាភ្នំឧត្តុង្គទៀតផង ។ យើងមានជំនឿ និង សង្ឃឹមថា ចំណងមិត្តភាព សាមគ្គីភាព និង កិច្ចសហប្រតិបត្តិការរវាងប្រទេសទាំងពីរនឹងកាន់តែរីកចម្រើននិងរឹងមាំខ្លាំងឡើង ៕

ចេស្តា