នាយករដ្ឋមន្ត្រី ប៉ាគីស្ថាន លោក Imran Khan កាលពីថ្ងៃទី១៤ខែសីហា បានសន្យាថា និង តស៊ូធ្វើសង្គ្រាមដល់ទីបញ្ចប់ប្រឆាំងរាល់ការប៉ុនប៉ងឈ្លានពានរបស់សត្រូវ នៅ តំបន់កាស្មៀរ។ លោកបន្តទៀតថា ដល់ពេលដែលត្រូវបង្រៀនឲ្យឥណ្ឌាស្គាល់ពីមេរៀនម្តងហើយ។
នាយករដ្ឋមន្ត្រី ប៉ាគីស្ថានបានបញ្ជាក់ទៀតថា «កម្លាំងទាហានប៉ាគីស្ថានទទួលបានព័ត៌មានថា ទាហានឥណ្ឌាបានលេីកគម្រោងធ្វើអ្វីមួយនៅក្នុងតំបន់កាស្មៀរ គ្រប់គ្រងដោយប៉ាគីស្ថាន ។ ទាហានប៉ាគីស្ថាន ក៏បានត្រៀមលក្ខណ:សម្រាប់ទប់ទល់រាល់សកម្មភាពទាំងនោះ។
នៅថ្ងៃទី១៥ខែសីហា នាយករដ្ឋមន្ត្រីប៉ាគីស្ថានលោក Imran khan បានព្រមានពីសង្គ្រាមផ្ទុះឡើងជាទ្រង់ទ្រាយធំ ជាមួយឥណ្ឌា បើសហគមន៍អន្តរជាតិ ក្នុងអង្គការសហប្រជាជាតិ មិនមានវិធានការ ដើម្បីកាត់បន្ថយភាពតានតឹង ក្នុងតំបន់កាស្មៀរនោះ។
នាយករដ្ឋមន្ត្រីប៉ាគីស្ថានមាន មានប្រសាសន៍នៅក្នុងសភាតំណាងរាស្ត្រតំបន់កាស្មៀរគ្រប់គ្រងដោយ ប៉ាគីស្ថាន ថា ក្នុងឱកាសខួប៧២ឆ្នាំថ្ងៃប៉ាគីស្ថាន ទទួលបានឯករាជ្យ ហើយប៉ាគីស្ថានមិនចង់ស្វែងរកការធ្វើសង្គ្រាម ជាមួយឥណ្ឌានោះឡើយ។ប៉ុន្តែ ប្រសិនបើសង្គ្រាមផ្ទុះឡើងនោះ អង្គការ សហប្រជាជាតិនឹងត្រូវទទួលខុសត្រូវ ដោយសារតែអង្គការនេះមិនមានសសកម្មភាពនៅក្នុងតំបន់កាស្មៀរ។
នៅពេលនេះប៉ាគីស្ថាន ទទួលបានព័ត៌មានថា ឥណ្ឌាកំពុងតែត្រៀមលក្ខណ ឈ្លានពាន់តំបន់ កាស្មៀរគ្រប់គ្រងដោយប៉ាគីស្ថាន។ ជាមួយគ្នានេះភាគីប៉ាគីស្ថានបាន ត្រៀមលក្ខណរួចរាល់ ក្នុងការធ្វើសង្គ្រាមប្រឆាំងការឈ្លាន់ពាន់របស់សត្រូវ ។
នាយករដ្ឋមន្ត្រីប៉ាគីស្ថានបានព្រមានថា នឹង ពង្រៀនដល់ទីក្រុងញូវដេលី នៅមេរៀនស្តីពីសង្គ្រាម ប្រសិនបើឥណ្ឌាន ឈ្លានពាន់កាស្មៀនោះ។ ជាមួយគ្នានេះប៉ាគីស្ថាន បានគាំទ្រ ដល់ពលរដ្ឋនៅក្នុងតំបន់កាស្មៀរ ទាំងនយោបាយ និងការតស៊ូដើម្បី ស្វ័យភាពរបស់ខ្លួន ក្រោយត្រូវឥណ្ឌាដកហូតនោះ ៕
