ភ្នំពេញ៖ យុវជនម្នាក់ររងបួសធ្ងន់ធ្ងន និងពីរនាក់ទៀតរងរបួស្រាល ហើយត្រូវបានរថយន្តសាមុយដឹកយកទៅសង្គ្រោះភ្លាមៗ ក្នុងហេតុការណ៍គ្រោថ្នាក់ចរាចរណ៍រវាងរថយន្តបង្កបុកម៉ូតូជនរងគ្រោះពីក្រោយ ។

ហេតុការណ៍គ្រោះថ្នាក់ចរាចរណ៍ខាងលើនេះបានបង្កឲ្យមានការភ្ញាក់ផ្អើលដល់ប្រជាពលរដ្ឋ និងសមត្ថកិច្ច និងមានការកក់ស្ទះចរាចរណ៍យ៉ាងខ្លាំង កាលពីវេលាម៉ោង១៥ និង១៥នាទីរសៀល ថ្ងៃទី២៦ ខែធ្នូ ឆ្នាំ២០១៥ នៅចំណុចខាងជើងវត្តឬស្សីសាញ ប្រហែល៣០០ម៉ែត្រ តាមបណ្ដោយផ្លូវបេតុង ស្ថិតក្នុងភូមិប្រការ សង្កាត់ព្រៃស ខណ្ឌដង្កោ ។

ប្រភព័ត៌មានពីសមត្ថកិច្ចបានឲ្យដឹងថា ជនរងគ្រោះមានគ្នាបីនាក់ ទី១ឈ្មោះលឹម លឿន ភេទប្រុស អាយុ១៨ឆ្នាំ មុខរបរជាជាងសំណង ស្នាក់នៅក្នុងបុរីពិភពថ្មី (ផ្សារចំការដូង) ស្រុកកំណើតនៅភូមិសីផុត ឃុំសីផុត ស្រុកមេសាង ខេត្តព្រៃវែង (ដែលរបួសធ្ងន់) ទី២ឈ្មោះចក់ ទន់ ភេទប្រុស អាយុ១៨ឆ្នាំ (របួសស្រាល) និងទី៣ឈ្មោះ សុខ គោ ភេទប្រុសអាយុ១៩ឆ្នាំ(របួសស្រាល)អ្នកទាំងពីរស្នាក់នៅនិងមានស្រុកកំណើតជាមួយគ្នា ។

ប្រភពព័ត៌មានពីប្រជាពលរដ្ឋដែលឃើញហេតុការណ៍ខាងលើនេះបានឲ្យដឹងថា មុនពេលកើតហេតុ ជនរងគ្រោះទាំងបីនាក់ជិះម៉ូតូមួយគ្រឿងម៉ាកហុងដាឌ្រីម ស៊េរី២០០៨ ពណ៌ខ្មៅ កាំស ពាក់ស្លាកលេខភ្នំពេញ1Y-9961 ជិះក្នុងល្បឿនល្មម តាមបណ្ដោយផ្លូវបេតុងមុខវត្តឬស្សីសាញ ទិសដៅពីជើងទៅត្បូង ខណៈដល់ផ្លូវកោងដែលជាកន្លែងកើតហេតុស្រាប់តែមានរថយន្តយីឌុប ពណ៌លៀង ពាក់ស្លាកលេខភ្នំពេញ3B.1888 បើកបរក្នុងល្បឿនលឿនក្នុងទិសដៅស្របគ្នាជាមួយម៉ូតូ ដោយមកដល់ផ្លូវកោងមិនបន្ថយល្បឿន ក៏ជ្រុលបុកម៉ូតូនិងជនរងគ្រោះពេញទំហឹងបណ្ដាលឲ្យកិនយុវជនម្នាក់ឈ្មោះលឹម លឿន បណ្ដាលឲ្យដាច់ប្រអប់ជើងទាំងសងខាង និងដាច់ពោះហូរឈាមស្រោចខ្លូនរបួសធ្ងន់ រីឯ២នាក់ទៀតរងបួសស្រាល ។ដោយឡែកម៉ូតូគៀបជាប់នៅក្រោមរថយន្តបង្កហូសជិត២០ម៉ែត្រ មិនអាចបន្តទៅមុខបាន និងរងការខូចខាត ។

ក្រោយពេលកើតហេតុភ្លាមៗអ្នកបើករថយន្តបង្កបានបើកទ្វារត់គេចខ្លួនបាត់ស្រមោលតែម្ដង ។ ក្រោយមកទើបមានសមត្ថកិច្ចមូលដ្ឋាន និងជំនាញធ្វើការវាស់វែងយករថយន្តបង្ក និងម៉ូតូទៅរក្សាទុកនៅឯការិយាល័យចរាចរណ៍រាជធានីភ្នំពេញរងចាំដោះស្រាលគ្នាតាមផ្លូវច្បាប់ ។ ចំណែកឯជនរងគ្រោះទាំងបីនាក់ត្រូវបានរថយន្តសាមុយដឹកកទៅសង្គ្រោះនៅមន្ទីរពេទ្យភ្លាមៗផងដែរ ៕

ដោយ៖ ភារ៉ា ដង្កោ