សមត្ថកិច្ចប៉ូលីសបង្ក្រាបក្រុមក្មេងទំនើងមានដែកឆាប និងដាវសាំម៉ូរ៉ៃបាន៨នាក់

ចែករំលែក៖

ខេត្តព្រះសីហនុ ៖ យុវជនជាក្រុមក្មេងទំនើងមួយក្រុមមានគ្នាប្រមាណ៨នាក់ ត្រូវបានកំលាំង​សមត្ថកិច្ចប៉ុស្តិ៍រដ្ឋបាលនគរបាលសង្កាត់លេខ៤ សហការណ៏ជាមួយកំលាំងអធិការដ្ឋាន​នគរ​បាលក្រុងព្រះសីហនុ រួមជាមួយកំលាំងព្រហ្មទណ្ឌនៃស្នងការដ្ឋានគរបាលខេត្តព្រះសីហនុ​ធ្វើការឃាត់ខ្លួនខណៈពេលក្រុមក្មេងទាំងនោះ កំពុងអង្គុយស្ទាក់ចាំវាយទៅលើសិស្សសាលាមួយ មួយក្រុមផ្សេងទៀត។ ហេតុការចុះឃាត់ខ្លួននេះបានធ្វើឡើងនៅវេលាម៉ោង១៩​និង​៥០​នា​ទី​យប់ថ្ងៃទី០៩កក្កដាឆ្នាំ២០១៥ ត្រង់ចំនុចក្បែរសាលាដុនបូស្កូ មានទីតាំងស្ថិតក្នុង​ភូមិ​៥​សង្កាត់​​លេខ៤ក្រុងព្រះសីហនុ។

យោងតាមប្រភពពីលោក អនុសេនីយ៍ទោ លុយ ហាង នាយប៉ុស្តិ៍រដ្ឋបាលនគរបាល​សង្កាត់លេខ០៤ក្រុងព្រះសីហនុបានបញ្ញាក់ថា ចំពោះមូលហេតុដែលឈានដល់​ការ​ឃាត់​ខ្លួន​នេះគឺធ្វើឡើងបន្ទាប់ពីមានពាក្យបណ្តឹងពីលោកគ្រូ អ្នកគ្រូនៅសាលាដុនបូស្កូថា ស្ទើជា​រៀង​រាល់​យប់មានក្រុមក្មេងមួយក្រុមមានគ្នាប្រមាណជិត១០នាក់ បានតែងតែមកអង្គុយ​ចាំ​ស្ទាក់​ចាំវាយសិស្សសាលាដុនបូស្កូ រហូតមានសិស្សមួយចំនួនលែងហានមកសាលា។ប្រភពដ៍ដែល​បន្តថារហូតនៅយប់ថ្ងៃទី១០កក្កដាឆ្នាំ២០១៥កំលាំងរបស់លោកបានដើរល្បាតនៅចំនុចក្បែរសាលាដុនបូស្កូក៏បានជួបប្រទះក្រុមក្មេងទំនើងទាំងនោះដូចការប្តឹងពីលោកគ្រូអ្នកគ្រួពិតមែន នៅពេលនោះកំលាំងរបស់លោក បានធ្វើការឆែកឆេរក៏បានប្រទះឃើញ​នៅក្នុងកាបូប​ស្ពាយ​មានកូនដាវសាំម៉ូរ៉ៃ និង ដែកឆាប ទើបលោកបានសហការណ៏ជាមួយកំលាំងអធិការដ្ឋាន​នគរ​បាលក្រុងព្រះសីហនុ រួមជាមួយកំលាំងព្រហ្មទណ្ឌនៃស្នងការដ្ឋានគរបាលខេត្តព្រះសីហនុ​ឃាត់​ខ្លួនតែម្តង។ក្រុមយុវជនសង្ស័យទាំង៨នាក់មានឈ្មោះរួមមានៈទី១-នាក់ ភក្តី ភេទ ប្រុស អាយុ១៤ឆ្នាំ ទី២-ណន ករណា ភេទ ប្រុស អាយុ១៦ឆ្នាំ ទី៣- អែម សេត ភេទ ប្រុស អាយុ​១៤​ឆ្នាំ ទី៤- ទិត្យ វាចា ភេទ ប្រុសអាយុ១៧ឆ្នាំ ទី៧- ហៅ វាសនា ភេទប្រុស អាយុ១៦ឆ្នាំ ទី៨- អាន សី ភេទ ប្រុស អាយុ១៣ឆ្នាំ។

បច្ចុប្បន្នក្រុមយុវជនទាំង៨នាក់ កំពុងត្រូវបានកំលាំងសមត្ថកិច្ចនៃអធិ​ការដ្ឋាន​នគរ​បាល​ក្រុងព្រះសីហនុ  ធ្វើការសាកសួរ និងកសាងសំណុំរឿងបញ្ជូនទៅកាន់ស្នង​ការដ្ឋាន​នគរ​បាលខេត្តព្រះសីហនុ ដើម្បីចាត់ការតាមផ្លូវច្បាប់។

20150709_200426_resized

20150709_201049_resized_1

20150709_201315_resized

...

20150709_201330_resized


ចែករំលែក៖
ពាណិជ្ជកម្ម៖ Naza Wedding Planner ads2 ads3 ambel-meas ads5 ads6 scanpeople ads7 fk Print