ភ្នំពេញ៖ បេក្ខជន កម្មវិធីប្រឡងចម្រៀងលំដាប់ពិភពលោក X Factor Cambodia លោក បូ រ៉ាម បានចាកចេញពីកម្មវិធីប្រកួតមុនពេលឈានចូលដល់វគ្គ Live Show កាលពីសប្តាហ៍មុនេះ។ ទោះបាត់ឱកាសធំសាងភាពល្បីល្បាញនៅលើឆាកប្រកួតក្តីក៏តារាចម្រៀងវ័យក្មេងរូបនេះនៅមានសង្ឃឹមព្រោះតែចាប់ផ្តើមមានការងារសិល្បៈថ្មីមួយចំនួននៅរងចាំ។
នៅតែសោកស្តាយសម្រាប់ការបាត់បង់ឱកាសរបស់តារាចម្រៀងសំនៀងពិរោះ បូ រ៉ាម ដែលត្រូវចាកចេញពីកម្មវិធីប្រកួតក្រោយឆ្លងកាត់ការប្រកួតជាមួយបេក្ខជនរាប់ម៉ឺននាក់ចាប់តាំងពីវគ្គដំបូងនោះ។ លោក បូ រ៉ាម គឺបេក្ខជនមកពីខេត្តកំពង់ឆ្នាំងដោយដើរប្រឡងចម្រៀងគ្រប់រូបភាព ដើម្បីចង់ដឹងថាខ្លួនមានទេពកោសល្យបែបណាជាមួយបេក្ខជនដទៃទៀត ។ប្រជែងជាមួយអ្នកមានទឹកដមសំឡេងល្អ បូ រ៉ាម ដែលជាប់បាន ៣ តង់ហើយមកធ្លាក់ ៦ នាក់ក្នុងក្រុម ឱក សុគន្ឋកញ្ញា គួរឲ្យតក់ស្លត់នោះលោក យ៉េប រ៉ូហ្វាត អ្នករៀបចំកម្មវិធីសិល្បៈដែលភាគច្រើននាំតារាសម្តែង និងច្រៀងអប់រំសុខភាពដល់កម្មកររោងចក្របានសម្រេចយកលោក បូ រ៉ាម ចូលជាក្រុមរបស់លោកឲ្យលោកមានឱកាសការងារសិល្បៈមួយចំនួន។
លោក រ៉ូហ្វាត ឱ្យដឹងថាតារាចម្រៀងរូបនេះទើបនឹងប្រឡូកសិល្បៈបានប្រមាណ៣ឆ្នាំប៉ុណ្ណោះ ហើយមានការតស៊ូខ្លាំងក្នុងជីវិត ស្លូតបូត ហើយលោកជួយដល់សិល្បករបានមួយចំនួនដែរឲ្យតែមានទេពកោសល្យស្នាដៃទឹកដមសំឡេង ។ យ៉ាងណាលោកមិនមានផលិតកម្មច្រៀងទេតែបើនិយាយពីអាហ្វែតាមតំបន់ផ្សេងៗគឺមានតាមរដូលកាលពិសេសការសម្តែងច្រៀងអប់រំសុខភាពដល់កម្មកររោងចក្រមានជាប្រចាំហើយស្គាល់ម្ចាស់ហាងផ្សេងៗជួយឲ្យតារាចូលច្រៀង ។ បច្ចុប្បន្នតារាចម្រៀងរូបនេះកំពុងច្រៀងប្រចាំភោជនីយដ្ឋាន Happy Seven ៕ ដោយ វឌ្ឍនា
