ខេត្តកំពង់ធំ ៖ អគ្គីភ័យឆាបឆេះផ្ទះប្រជាពលរដ្ឋកាលពីវេលាម៉ោង២៣និង៣០នាទី ថ្ងៃពុធ ១៣រោច ខែស្រាពណ៍ ឆ្នាំកុរ ឯកស័ក ពស ២៥៦៣ ត្រូវនឹងថ្ងៃទី២៨ ខែសីហា ឆ្នាំ២០១៩  នៅភូមិជ័យមង្គល ឃុំបល្ល័ង្ក ស្រុកបារាយណ៍ ខេត្តកំពង់ធំ។

សមត្ថកិច្ចបានអោយដឹងថាអគ្គីភ័យឆេះផ្ទះប្រជាពលរដ្ឋទំហំ៦x១២ម ធ្វើពីឈើ ប្រក់ក្បឿង ជញ្ចាំងក្ដារ  ម្ចាស់ផ្ទះឈ្មោះគង់ យ៉ុន ភេទប្រុស អាយុ៥៤ឆ្នាំ ប្រពន្ធឈ្មោះហ៊ិន វឿន អាយុ៥០ឆ្នាំ នៅភូមិកើតហេតុខាងលើ បណ្ដាលអោយខូចខាតរសម្ភារៈ= ទូរទស្សន៍ ១គ្រឿង ,កង់ ៤គ្រឿង ,លុយ ៤០ម៉ឺនរៀល ,ក្រែ ៤គ្រឿង  ,ទូរស័ព្ទ ១គ្រឿង។

ចំពោះមូលហេតុ ម្ចាស់ផ្ទះអះអាងថា បង្កឡើងដោយទុស្សេខ្សែរភ្លើង ។

កម្លាំងអន្តរាគមន៍នគរបាលស្រុកចំនួន២២នាក់និងអាវុធហត្ថចំនួន៣នាក់ ប្រជាការពារនិងប្រជាពលរដ្ឋចំនួន៧៥នាក់និងប្រើប្រាស់រថយន្តពន្លត់អគ្គីភ័យចំនួន១គ្រឿងប្រើទឹក២ស៊ីទែនទើបរលត់៕ ប៊ុនរិទ្ធី