ភ្នំពេញ៖ បុរសម្នាក់ស្រវឹងស្រាជោកជាំ បើករថយន្តមួយគ្រឿង ម៉ាក PAJERO SPORTក្នុងល្បឿនលឿនបានរេចង្កូតទៅបុកបង្គោលភ្លើងបណ្ដាលឲ្យរងការខូចខាត រីឯម្ចាស់មិនបណ្ដាលឲ្យរងរបួសនោះទេ ។
ក្នុងហេតុការគ្រោះថ្នាក់ចរាចរណ៍ខាងលើនេះបានកើតឡើងកាលពីវេលាម៉ោង២និង១០នាទីរំលងអាធ្រាត ឈានចូលថ្ងៃទី២៨ ខែធ្នូ ឆ្នាំ២០១៥ នៅតាមបណ្ដោយផ្លូវ៦១០ មុខផ្ទះលេខ១៦ ស្ថិតក្នុងសង្កាត់បឹងកក២ ខណ្ឌទូលគោក។
ប្រភពព័ត៌មានពីអ្នករត់ម៉ូតូឌុបដែលនៅក្បែរកន្លែងកើតហតុបានឲ្យដឹងថា មុនពេលកើតហេតុគឺគេបានឃើញបុរសម្នាក់បើក រថយន្តបង្កម៉ាកPAJERO SPORT ពណ៌ស ពាក់ស្លាកលេខ ភ្នំពេញ 2Z.1468 បើកបរដោយបុរសម្នាក់ដែលគេដឹងថា ស្រវឹងស្រាជាខ្លាំង ហើយបើកក្នុងល្បឿនលឿនរេពេញផ្លូវដោយមិនបានប្រុងប្រយ័ត្ន ខណះមកដល់ចំណុចកើតហេតុក៏ជ្រុលចង្កូតទៅបុកបង្គលភ្លើងបណ្ដាលឲ្យរថយន្តរងការខូចខាតយ៉ាងដំណំសំណាងល្អមិនមានអ្នករងរបួស ។
ក្រោយពេលកើតហេតុ ម្ចាស់រថយន្តបង្កបានបើកទ្វាគេចខ្លួនបាត់ស្រមោល ក្រោយមកសមត្ថកិច្ចមូលដ្ឋានបានចុះដល់កន្លែងកើតហេតុនិងបានទំនាក់ទំនងជាមួយមន្ត្រីជំនាញចរាចរណ៍មកធ្វើកាវាស់វែង យករថយន្តបង្កស្ទួចយកទៅក្សាទុកការិយាល័យចរាចរណ៍ជើងគោករាជធានីភ្នំពេញរង់ចាំដោយស្រាយតាមនីតិវិធីច្បាប់ ៕
ដោយ៖ ព្រែកជ័យ
