ខេត្ដត្បូងឃ្មុំ៖ បើទោះជាជំនាញរដ្ឋ បាលព្រៃឈើខេត្ដត្បូងឃ្មុំមានតួនាទី ភារ កិច្ចបង្ក្រាប ទប់ស្កាត់ បទល្មើសព្រៃឈើ ការដឹកជញ្ជូន អនុវត្ដតាមគោលការថ្នាក់ លើក៏ដោយ ប៉ុន្ដែលោក ងី វីរ នាយខណ្ឌ រដ្ឋបាលព្រៃឈើខេត្ដត្បូងឃ្មុំ បែរជាពាក់ ព័ន្ធទៅនឹងអំពើពុករលួយ ចាំប្រមូលលុយ ពីក្រុមឈ្មួញដឹកជញ្ជូនឈើល្មើសច្បាប់ ឆ្លងកាត់ខេត្ដ និងធ្លាប់ទៅវៀតណាមជា ដើម ។
សមត្ថកិច្ច មន្ដ្រីរាជការ ប្រជាពលរដ្ឋ បានចាត់ទុកថា លោក ងី វីរ ជាមេខ្លោង បង្កើតឱ្យមានបទល្មើសព្រៃឈើ និងដឹក ជញ្ជូន ខណៈទឹកដីខេត្ដត្បូងឃ្មុំក្នុងសមត្ថ កិច្ចដែនដីខ្លួនគ្រប់គ្រង បង្ក្រាបបានក្លាយ ទៅជាទីតាំងស្ដុកឈើល្មើសច្បាប់ ការ ដឹកជញ្ជូនឈើឆ្លងកាត់ និងឆ្លងទៅប្រទេស វៀតណាម ។
យ៉ាងតិចមានច្រកចំនួន៤បាននឹង កំពុងដំណើរការដឹកជញ្ជូនឈើឆ្លងទៅ ប្រទេសវៀតណាមយ៉ាងសកម្ម ទាំងយប់ ទាំងថ្ងៃ មានទាំងរថយន្ដតូច រថយន្ដធំ ។ បទល្មើសទាំងនេះ ឋិតនៅនឹងក្រសែភ្នែក លោក ងី វីរ ខណ្ឌខណ្ឌរដ្ឋបាលព្រៃឈើគឺ ច្រកចាន់មូល ,ច្រកដូង៧ដើម , ច្រក ដូនរ័ត្ន និងច្រកទន្លេចាម ។
ឈ្មួញនៅទីនោះធ្លាប់បង្ហើបថា ជំនាញ រដ្ឋបាលព្រៃឈើមិនបង្ក្រាបរាល់ការដឹក ជញ្ជូនឈើដែលមានការចរចាគ្នាលក្ខណៈ បង់ប្រចាំខែ បង់ក្បាលរថយន្ដប្រចាំថ្ងៃ ឬផ្ដល់ដំណឹងជាមុន ។ ការបង្ក្រាបការ ដឹកជញ្ជូនឈើអាចមានប្រសិទ្ធភាពដោយ ជំនាញរដ្ឋបាលព្រៃឈើ លើកលែងតែ ការដឹកជញ្ជូននោះ រថយន្ដត្រូវក្រឡាប់ ធ្លាយចេញឈើ ឬក៏ការប្រដេញបណ្ដាល ឱ្យគ្រោះថ្នាក់ចរាចរប៉ុណ្ណោះ ។
ទីតាំងឈរជើងរបស់លោក ងី វីរ គឺ ជាកន្លែងអង្គុយរាប់ក្បាលរថយន្ដដឹកឈើ យកលុយ ឬជាកុងត្រូលជជុះ ប្រឈមទៅ នឹងការរិះគន់យ៉ាងខ្លាំងពីមជ្ឈដ្ឋានប្រជា ពលរដ្ឋ ។
សកម្មភាពដឹកជញ្ជូនឈើឆ្លងកាត់ ខេត្ដត្បូងឃ្មុំ និងបន្ដទៅកាន់ប្រទេសវៀត ណាម មានទាំងរថយន្ដតូច រថយន្ដធំ ភាគច្រើន ប្រភពឈើទាំងនោះដឹកជញ្ជូន ចេញពីខេត្ដរតនគិរី,មណ្ឌលគិរី,ក្រចេះ , ស្ទឹងត្រែង , កំពង់ធំ ,សៀមរាប ,ឧត្ដរ មានជ័យ និងខេត្ដព្រះវិហារ ។
ចំពោះច្រកទាំង៤ខាងលើ សមត្ថកិច្ច ទាំងអស់បានហែកប្រយោជន៍ចែកគ្នា បញ្ចៀសការបែកធ្លាយបទល្មើសទាំងនេះ ឱ្យថ្នាក់លើដឹង ឬក៏ប្រយោជន៍មួយចំនួន ធំ ក៏ថ្នាក់លើរួមចំណែកទទួលផល ។ ពិសេសគឺមានឈ្មួញធំៗបានធានារ៉ាប់រង ដល់សមត្ថកិច្ច ថ្នាក់លើ រហូតដល់សមត្ថ កិច្ចខ្លះនិយាយថា រឿងបទល្មើសព្រៃឈើ ក្នុងខេត្ដត្បូងឃ្មុំ មេៗគេប្រមូលលាភ សក្ការអស់ហើយ ដូច្នេះកូនចៅថ្នាក់ ក្រោមក៏ចេះតែរួមចំណែកខុស ក្នុង ប្រយោជន៍តិចតួច ដើម្បីក្រពះប៉ុណ្ណោះ ។
ពាក់ព័ន្ធនឹងបទល្មើសដឹកជញ្ជូនឈើ ល្មើសច្បាប់យ៉ាងអនាធិបតេយ្យ ឬដឹក លើសពីច្បាប់អនុញ្ញាតនេះ នគរវត្ដមិន អាចសុំការបំភ្លឺពីលោក ងី វីរ នាយខណ្ឌ រដ្ឋបាលព្រៃឈើខេត្ដត្បូងឃ្មុំបានទេ កាល ពីព្រឹកថ្ងៃទី២៨ ខែធ្នូ ឆ្នាំ២០១៥ តាម ទូរស័ព្ទ ដោយលោកបញ្ជាក់យ៉ាងខ្លីថា កំពុងជាប់រវល់រួចក៏បិទទូរស័ព្ទ ។
លោកងី វីរ បាននឹងកំពុងងប់ងុលក្នុង ការប្រមូលប្រាក់ ក្លាយទៅជាទម្លាប់ ដែលគេសង្ស័យថា អ្វីដែលលោក ងី វីរ ហ៊ានប្រព្រឹត្ដអំពើពុករលួយ អាចជាការ បើកចំហរ ឬភ្លៀវខៀវណាលមួយពីថ្នាក់ លើពាក់ព័ន្ធ ទើបគាត់ជិះសេះលែងដៃ ៕
ដោយ៖ សុខ ខេមរា
