ខេត្ដព្រះសីហនុ៖ ប្រជានេសាទសមុទ្រ ៣ឃុំមានចំនួនរាប់ពាន់គ្រួសារបានប្រតិកម្មឆ្លើយតបនិងការឃុបឃិតគ្នាពី សំណាក់ជំនាញពាក់ព័ន្ធនិងអាជ្ញាធរមូលដ្ឋានអនុញ្ញាតច្បាប់ចិញ្ចឹមគ្រែងឈាម ក្នុងតំបន់នេសាទចិញ្ចឹមជីវិតប្រចាំថ្ងៃ របស់ពួកគាត់ ។
ប្រតិកម្មនេះប្រជាពលរដ្ឋក៏បាននាំ គ្នាផ្ដិតមេដៃប្ដឹងអ្នកស៊ីញ៉េ និងអ្នកខ្លះ ទៀតនិយាយថាចាំដល់ពេលឈ្មួញមក កសាងទីតាំងចិញ្ចឹមគ្រែងលើកន្លែងដែននេសាទពួកគាត់និងប្រើប្រាស់វិធីគ្រប់ រូបភាពដើម្បីបំផ្លិចបំផ្លាញចោលហើយអ្នកខ្លះទៀតនិយាយថា មិនចាំបាច់ទៅ ធ្វើទីតាំងនោះទេគ្រាន់តែឃើញកម្មករ មកនាំគ្នាចាប់វាយតែម្ដង ។
ប្រជានេសាទម្នាក់សុំមិនបញ្ចេញ ឈ្មោះបាននិយាយថា អ្នកដែលមកសុំ ទីតាំងចិញ្ចឹមគ្រែងឈាមនៅក្នុងដែន នេសាទពលរដ្ឋកោះខ្យងនោះជាថៅកែ នាំកូនគ្រែងទៅប្រទេសវៀតណាមហើយការស្នើសុំច្បាប់ចិញ្ចឹមគ្រែងឈាមនៅ កោះខ្យងនេះវាគ្រាន់តែជាលេសមួយបង្ករការក្ដៅក្រហាយដល់ប្រជានេសាទក្រី ក្រតែប៉ុណ្ណោះតែធាតុពិតគឺគេមានបំណង មកប្រមូលទិញកូនគ្រែងឈាមពីតំបន់ កោះខ្យងដឹកយកទៅប្រទេសវៀតណាម។
លោក ឯម ភា ប្រធានសង្កាត់រដ្ឋ បាលជលផលស្រុកព្រៃនប់ខេត្ដព្រះសីហនុ បានឱ្យដឹងថា ពាក្យស្នើសុំចិញ្ចឹមគ្រែង ឈាមនោះបានដាក់ជូនទៅដល់ចៅហ្វាយ ស្រុកព្រៃនប់ពិនិត្យហើយដោយមានចុះហត្ថលេខាឯកភាពពីលោក រស់ ហាក់ ប្រធានសហគមនេសាទនិងព្រៃឈើ ឧទ្យានជាតិរាម និងលោក យន់ ឆេង មេ ឃុំអូរជ្រៅរួមនឹងរូបលោកផងដែរ ប៉ុន្ដែ បានឬមិនបានសម្រេចថ្នាក់ដឹកនាំខាង លើទៀត។
ពាក់ព័ន្ធនឹងការចុះហត្ថលេខាឯកភាពលើពាក្យស្នើសុំច្បាប់ចិញ្ចឹមគ្រែង ឈាមកាលពីព្រឹកថ្ងៃទី២៦ ខែធ្នូ ឆ្នាំ ២០១៥លោក នៅ ការុន ប្រធានបរិស្ថាន ឧទ្យានជាតិរាមបាននិយាយប្រាប់ថា លោក រស់ ហាក់ ប្រធានសហគមនេសាទ និងព្រៃឈើឧទ្យានជាតិរាមកំពុងប្រព្រឹត្ដខុសលក្ខន្ដិកៈរបស់ឧទ្យានជាតិរាមហើយ ដោយហ៊ានចុះហត្ថលេខាឯកភាពឱ្យគេមុនបាត់ទៅហើយទើបរាយការណ៍តាម ក្រោយ ប្រការនេះលោកនិងធ្វើរបាយ ការណ៍ទៅថ្នាក់លើជាបន្ទាន់ផងដែរ ។
លោក នៅការុន បានបញ្ជាក់ថា តំបន់ដែននេសាទរបស់ពលរដ្ឋនៅកោះខ្យងនោះពិតជាមានការពាក់ព័ន្ធនឹងដែនឧទ្យាជាតិរាមយ៉ាងពិតប្រាកដ ហើយ ករណីនេះប្រសិនបើភាគីខាងជលផល សម្រេចឱ្យឈ្មួញមែននោះក៏ភាគីខាង ឧទ្យានជាតិរាមមិនឯកភាពដែរ ព្រោះ មានការប៉ះពាល់ដល់ការរស់នៅរបស់ រាស្ដ្រច្រើនណាស់គឺមានរហូតដល់ទៅ ៣ឃុំឯណោះ ។
លោក នេន ចំរើន ប្រធានខណ្ឌរដ្ឋ បាលជលផលខេត្ដព្រះសីហនុបានមាន ប្រសាសន៍ថា ករណីនេះលោកមិនទាន់ បានទទួលព័ត៌មាននិងឯកសារមកពិនិត្យនៅឡើយទេប៉ុន្ដែកន្លងទៅក៏មានការស្នើសុំចិញ្ចឹមគ្រែងឈាមក្រោមរូបភាពដូចគ្នានេះ២ឬ៣ករណីហើយដែរ តែបរាជ័យ ព្រោះមានការប៉ះពាល់ដល់ការរស់នៅ របស់ប្រជានេសាទនៅទីនោះច្រើន ។
លោក ទិត្យ វុទ្ធី អភិបាលស្រុកព្រៃនប់ មិនអាចទំនាក់ទំនងសាកសួររឿងលិខិតស្នាមនោះបានទេ ។ ទោះជាយ៉ាងនេះក្ដី ប្រជាពលរដ្ឋសង្ឃឹមថា លោកអភិបាល ស្រុកនឹងពិចារណាឡើងវិញ ៕
ដោយ៖ ឆ្លាមសមុទ្រ
