សម្រាលកូនបាន៤ថ្ងៃយកកូនទៅផ្ញើគេហើយរត់គេចខ្លួនបាត់

ចែករំលែក៖

ភ្នំពេញ ៖ ស្រ្តី​ម្នាក់បានបីកូនដែលទើបសម្រាលបាន៤ថ្ងៃយកទៅផ្ញើ​​ស្រ្តីម្នាក់ដែលមិន​ស្គាល់គ្នា ​ ប្រាប់ថាទិញកាតទូរស័ព្ទមួយភ្លែត ក៏ទៅ​បាត់រ​ហូ​ត។ ចំណែកស្រ្ដីដែលត្រូវគេផ្ញើកូននោះ ចាំយូរពេក​មិនឃើញក៏ឆោឡោ ​​បង្ក​ឲ្យមានការភ្ញាក់ផ្អើលនៅ​ល្ងាចថ្ងៃទី៩ ខែកក្កដា ឆ្នាំ២០១៥ នៅចំណុច​ក្រោយមណ្ឌលសុខភាពស្ទឹងមានជ័យ ស្ថិតក្នុងក្រុម5 ភូមិភ្នាត សង្កាត់ស្ទឹងមា​ន​ជ័យ ខណ្ឌមានជ័យ ។

ស្រ្ដីឈ្មោះ ម៉ម ស្រីលក្ខណ៍ អាយុ24ឆ្នាំ ស្នាក់នៅផ្ទះជួលកន្លែងកើតហេតុ ​ដែល​ជាអ្នក​បានទទួល​ទារក​ពីម្តាយ​​ផ្ទាល់ដៃបាន​ឱ្យ​ដឹ​ង​ថា ដំបូងមានស្រ្តីម្នាក់វ័យប្រហែល30ឆ្នាំ សង្ស័យថា​ជាម្តាយទារក ដែលនៅក្នុ​ង​ប័ណ្ណ​ទារកម្តាយមានឈ្មោះ លី រតនា បានសម្រាលកូន​នៅថ្ងៃ ទី៥ ខែកក្កដា ឆ្នាំ២០១៥ នៅមណ្ឌលសុខភាពមូលមិត្ត ស្ថិតនៅក្នុងសង្កាត់ចោមចៅ ខណ្ឌពោធិសែនជ័យ ស្នាក់នៅបុរីពិភពថ្មី ។

ប្រភពដដែលបានបន្តថា មុនពេលភ្ញាក់ផ្អើលគាត់​​កំពុងតែឈរនៅមុខផ្ទះ។ ពេលនោះស្រាប់តែ​ម្តាយទារក ដែលមិនដឹងមកពីណាបានសួរគាត់រកកន្លែងលក់កាតទូរស័ព្ទ។ គាត់ក៏ប្រាប់នឹងចង្អុ​ល​​កន្លែងលក់​ដែលនៅជិត ស្រាប់តែស្រ្តីនោះថា សុំផ្ញើកូន​​នឹងគាត់មួយភ្លែត​រួចក៏ដើរសំដៅទៅផ្លូវធំ​បាត់ឈឹង។ ​រហូតដល់ម៉ោង៦ព្រលប់ថ្ងៃដដែល នៅមិនទាន់ឃើញស្រ្ដីនោះមកទៀត ទើបមាន​ការ​សង្ស័យថា​ យកកូនមកផ្លុងចោល គាត់ក៏បានរាយការណ៍ដល់សង្កាត់ស្ទឹងមានជ័យ និងយកទារក ទៅសាលាសង្កាត់ស្ទឹងមានជ័យឲ្យជួយផ្ញើ​នៅម​ណ្ឌ​លសុខភាពមួយយប់សិន។ ប៉ុន្តែខាង​មណ្ឌលសុខ​ភាពអត់ទទួល ក៏ត្រូវខាងសង្កាត់ប្រាប់ឲ្យស្រ្តីដែលជាអ្នកទទួលកូនពីម្តាយ​នោះយកទៅ​ជួយមើ​ល​ថែឲ្យមួយយប់សិន ។ គ្រាន់តែមានការផ្អើលឆោឡោខាងលើ ស្រាប់តែមានស្រ្ដីម្នាក់ដែលចង់បានកូន ជាង​១០នាក់ ទៅចាំសុំ​យកទារកខាងលើទៅ​ចិ​ញ្ចឹ​ម ៕ វិបុល

72

75

74

73

...

71

ចែករំលែក៖
ពាណិជ្ជកម្ម៖
ads2 ads3 ambel-meas ads6 scanpeople ads7 fk Print