ប៉ោយប៉ែត៖ កំលាំងនគរបាលក្រុងប៉ោយប៉ែតឃាត់ខ្លួនជនសង្ស័យម្នាក់រួមទាំងវត្ថុតាងថ្នាំញៀន ម្សៅពណ៏ស ក្រាម(ម៉ាទឹកក) កាលពីម៉ោង១១និង៣៥នាទីព្រឹក ថ្ងៃទី២៨ ខែធ្នូ ឆ្នាំ២០១៥ នៅចំណុចខាងកើតផ្សារត្រី ឋិតក្នុងភូមិបាលិលេយ្យ១ សង្កាត់ប៉ោយប៉ែត្រ ក្រុងប៉ោយប៉ែត ខេត្តបន្ទាយមានជ័យ ។
លោកអ៊ុំ សុផលអធិការក្រុងប៉ោយប៉ែតប្រាប់ថា ជនសង្ស័យមានឈ្មោះអ៊ុង ឡុំ ភេទប្រុស អាយុ៣៤ឆ្នាំ ជនជាតិខ្មែរ មានស្រុកកំណើតនៅភូមិមៀន ឃុំមៀន ស្រុកអូររាំងឪ ខេត្តកំពងចាម មកស្នាក់នៅបណ្ដោះអាសន្នបន្ទប់ជួល ភូមិក្បាលស្ពាន១ សង្កាត់ ក្រុងខាងលើ ។
លោកបន្តថា មុនឈានដល់ឃាត់ខ្លួនជនសង្ស័យ កំលាំងរបស់លោកបានល្បាតពេលយប់ និងត្រួតពិនិត្យទៅលើយានយន្តគ្រប់ប្រភេទនៅតាមផ្លូវលំ ក៏ដូចជាផ្លូវបេតុង ក្រោយពីការឆែកឆេរក៏ប្រទះឃើញវត្ថុតាងថ្នាំញៀនម្សៅក្រាមថ្លាពណ៍ស ចំនួន៦កូនថង់តូច និងប្រភេទគ្រាប់(យ៉ាម៉ា)ចំនួន១១គ្រាប់ នៅក្នុងខ្លួនជនសង្ស័យ។
ជនសង្ស័យក្រោយពីការឆែកឆេរកឃើញវត្ថុតាង និងបញ្ជូនមកអធិការដ្ឋាននគរបាលក្រុងដើម្បីសាកសួរនិងកសាងសំណុំរឿង ។
ក្រោយពីកាសាកសួរជនសង្ស័យបានឆ្លើយសារភាពថា ខ្លួនពិតជាបានប្រព្រិត្តចែកចាយថ្នាំញៀនដូចសមត្ថកិច្ចចោទសួរមែន។ ជនសង្ស័យក្រោយពីកសាងសំណុំរឿងរួចរាល់ នឹងបញ្ជូនទៅស្នងការដ្ឋានខេត្តបន្ទាយមានជ័យដើម្បីចាត់ការបន្តតាមផ្លូវច្បាប់ ៕
ដោយ៖ វណ្ណា
