ភ្នំពេញ៖ ក្រសួងធនធានទឹក និងឧតុនិយម នៅរសៀលថ្ងៃទី ២៤ ខែតុលា ឆ្នាំ ២០១៩ បានចេញសេចក្តីជូនដំណឹងស្តីពី៖ ស្ថានភាពអាកាសធាតុ ចាប់ពីថ្ងៃទី ២៥ ដល់ថ្ងៃទី ៣១ ខែតុលា ឆ្នាំ ២០១៩ ដោយបានបញ្ជាក់អោយដឹងថា៖ តាមរយៈនៃការតាមដាននូវលក្ខណៈអាកាសធាតុជាប្រចាំក្នុងតំបន់ និងដោយឡែកសម្រាប់កម្ពុជា បង្ហាញឲ្យឃើញថា + ជ្រលងនៃសម្ពាធខ្ពស់ខ្សោយពីប្រទេសចិន បាននឹងកំពុងគ្របដណ្តប់មកលើកម្ពុជា ។
លក្ខណៈបែបនេះ នឹងធ្វើឲ្យ
១- ចាប់ពីថ្ងៃទី ២៨-៣១ ខែតុលា + ខេត្តឧត្តរមានជ័យ បន្ទាយមានជ័យបាត់ដំបង ប៉ៃលិន សៀមរាប កំពង់ធំ ព្រះវិហារ ស្ទឹងត្រែង ក្រចេះ កំពង់ចាម
ត្បូងឃ្មុំ រតនគិរី និងខេត្តមណ្ឌលគិរី នឹងអាចមានភ្លៀងធ្លាក់ដោយអន្លើនៅក្នុងកម្រិតបរិមាណពីខ្សោយទៅតិច ។
២- ចាប់ពីថ្ងៃទី ២៥-៣១ ខែតុលា ៖ ខេត្តពោធិ៍សាត់ កំពង់ឆ្នាំង កំពង់ស្ពឺ កណ្តាល តាកែវ ព្រៃវែង ស្វាយរៀង រាជធានីភ្នំពេញ និងខេត្តនៅតំបន់មាត់សមុទ្រ
នឹងអាចមានភ្លៀងធ្លាក់ដោយអន្លើ ក្នុងកម្រិតបរិមាណពីតិចទៅមធ្យម ។
អាស្រ័យដូចបានជម្រាបជូនខាងលើ – សូមសាធារណជនជ្រាបជាព័ត៌មាន និងបន្តប្រុងប្រយ័ត្នចំពោះបាតុភូតផ្គរ រន្ទះ និងខ្យល់កន្ត្រាក់ដែលអាចទៅកើតមាន ជាពិសេសបណ្តាខេត្តនៅតំបន់វាលទំនាបភាគីខាងក្រោម៕
ដោយ៖ សុខ ខេមរា
