ភ្នំពេញ៖ រថយន្តហ៊ីយ៉ាន់ដាយដឹកត្រីមួយគ្រឿងបានបុកគូទរថយន្តហាយឡិនឌ័រ ក្រពិតនិងបែកកញ្ចក់ក្រោយ នៅត្រង់មុខអាគារពាណិជ្ជកម្មអែតវូត លើកំណាត់ផ្លូវសហពន្ធរុស្សី ក្នុងសង្កាត់ទឹកថ្លា ខណ្ឌសែនសុខ កាលពីវេលាម៉ោង៣និង៣០នាទីទៀបភ្លឺ ថ្ងៃទី១ខែមករាឆ្នាំ២០១៦ ។
សាក្សីបានឲ្យដឹងថា ករណីគ្រោះថា្នក់ចរាចរណ៏ កើតឡើងខណៈគេឃើញរថយន្តរងគ្រោះម៉ាកហាយឡែនឌ័រ ពណ៌ទឹកប្រាក់ ពាក់ស្លាកលេខ ភ្នំពេញ 2O 9497 បើកបរតាមបណ្តោយមហាវិថីសហព័ន្ធរុស្ស៊ីក្នុងទិសដៅពីលិចទៅកើត ស្របគ្នាជាមួយរថយរថយន្តបង្កម៉ាកហ៊ីយ៉ា ន់ដាយពណ៌សពាក់ស្លាកលេខភ្នំពេញ3D-1230 ជារថយន្តដឹកត្រី ។ ពេលមក ដល់ចំណុចកើតហេតុមានរថយន្ត១គ្រឿងផ្សេងទៀតមិនចាំម៉ាក បើកបត់ឆ្វេងឆ្លងកាត់នៅពីខាងមុខ ធ្វើឲ្យរថយន្តរងគ្រោះហាយឡែនឌ័រ ចាប់ហ្វ្រាំងបន្ថយល្បឿនបន្តិចតែ ភ្លាមនោះ ស្រាប់តែមានរថយន្តដឹកត្រីខាងលើ ចាប់ហ្វ្រាំងមិនទាន់ក៏ជ្រុលទៅបុកពីក្រោយពេញទំហឹង បណ្តាលឲ្យករពិតគូទក្រោយនិងបែកកញ្ចក់ខូចខាតយ៉ាងដំណំ ។
សាក្សីឲ្យទៀតថាក្រោយពេលកើតហេតុ ម្ចាស់រថយន្តទាំង២គ្រឿងឈប់ចរចាសម្របសម្រួលគ្នា ដោយម្ចាស់រថយន្តហ៊ីយ៉ាន់ដាយជារថយន្តបង្កព្រមសងថ្លៃខូចខាតទៅភាគី ម្ចាស់រថយន្តរងគ្រោះ ហាយឡែនឌ័រដើម្បីបញ្ចប់រឿង នៅកន្លែងកើតហេតុមិនរំខានដល់សមត្ថកិច្ចឡើយ ៕
ដោយ៖ ប្រាថ្នា
