ភ្នំពេញ៖ បន្ទាប់ពីរៀបមង្គលការរវាងតារាចំរៀង ឱក សុគន្ធកញ្ញា និងលោក អ៊ឹង សុខលី មិនទាន់បាន៧ខែផង ធ្វើអោយអ្នកទាំង២ បានកូនប្រុសមួយជាចំណងដៃ គឺរៀបមង្គលការនៅថ្ងៃទី១៦ ខែឧសភា ឆ្នាំ២០១៩ ហើយឆ្លងទន្លេនៅថ្ងៃទី១១ ខែវិច្ឆិកា ឆ្នាំ២០១៩ ដែលមានរយៈពេលមិនបាន៧ខែ។
សូមរម្លឹកថា៖ តារាចម្រៀងលំដាប់ជួរមុខកញ្ញា ឱក សុគន្ធកញ្ញា បានសម្រាលកូនប្រុសដំណក់ឈាមរួមគ្នាជាមួយ លោក អ៊ឹង សុខលី។ ក្រោយពីបង្ហាញមុខកូនប្រុស និងឈ្មោះនេះដែរ នាងទទួលបានការសរសើរច្រើនស្របពេលការរិះគន់ខ្លះៗអំពីរឿងរ៉ាវ ថាមានផ្ទៃពោះមុនរៀបការនោះផងដែរ។
ឱក សុគន្ធកញ្ញា បានបង្ហាញរូបថតកូនប្រុសដំបូងរបស់ខ្លួបជាសាធារណៈហើយ បន្ទាប់ពីអ្នកនាងបានសម្រាលតាំងពីថ្ងៃទី ១១ ខែវិច្ឆិកាកន្លងទៅនៅមន្ទីរពេទ្យមួយនៃប្រទេសថៃ ។ ជាមួយការបង្ហាញរូបកូននេះ តារាចម្រៀង ឱក សុគន្ធកញ្ញា ក៏បានបង្ហោះសារថា ឆ្លងកាត់ពេលវេលាដ៏វែង អារម្មណ៍នៃការរង់ចាំ ការព្រួយបារម្ភ និង រូបភាពពិតនៃការបង្កើតកូនដ៏លំបាករបស់ម្តាយគ្រប់រូប ទីបំផុតអារម្មណ៍ជាឪពុកម្តាយដ៏ពិតប្រាកដបានមកដល់ ។ នៅពេលនេះ ស្វាគមន៍ Charlie មកកាន់ពិភពលោកដ៏ស្រស់ស្អាត។ នាងបន្តថា Mommy(ម្តាយ) និង Charlie (កូន)មានសុវត្ថិភាព មានសុខភាពល្អ និងមានទម្ងន់ ៣,៧៥ គីឡូក្រាម។ អ្វីដែលគួរឱ្យចាប់អារម្មណ៍នោះ កូនប្រុសដំបូងរបស់តារាចម្រៀង ឱក សុគន្ធកញ្ញា និង លោក អ៊ឹង សុខលី ឈ្មោះ Charli ពិតជាមានមុខមាត់ស្រស់គួរឱ្យស្រឡាញ់ កាត់តាមឪពុកម្តាយគ្មានខុសទេ ។ មហាជនអ្នកគាំទ្រក៏បង្ហាញអារម្មណ៍រំភើប និង រីករាយផងដែរ បន្ទាប់ពីបានឃើញមុខកូនប្រុសដំបូងរបស់តារាខម្រៀងលំដាប់កំពូលរូបនេះ ។ ទោះជាយ៉ាងណានាងក៏ទទួលរងការរិះគន់ខ្លះៗពីអ្នកលេងបណ្តាញសង្គមហ្វេសប៊ុកជុំវិញការមានផ្ទៃពោះមុនរៀបការខណៈដែលនាងទើបនឹងរៀបការមិនទាន់បាន៧ខែនៅឡើយ ។ ទោះជាយ៉ាងណាដំណឹងនៃការបង្ហាញមុខជាសាធារណៈនេះបានការជូនពរច្រើនពីអ្នកគាំទ្រ ហើយក៏ស្របពេលដែលនាងនិងកូនប្រុសអាចមានលទ្ធភាពរកចំណូលពីការថតផលិតផលថែរក្សាគត៌ចាប់តាំងពីមុនពេលសម្រាលមកម៉្លេះ។
គួរបញ្ជាក់ដែរថា តារាចម្រៀង ឱក សុគន្ធកញ្ញា បានរៀបការជាមួយលោក អ៊ឹង សុខលី ជាប្អូនប្រុសបង្កើតរបសលោក អ៊ឹង ឆៃងួន ជាថៅកែក្រុមហ៊ុនហង្សមាសកាលពីថ្ងៃទី១៦ ខែឧសភា ឆ្នាំ២០១៩ នៅឯសណ្ឋាគារ សុខាភ្នំពេញក្រោមវត្តមានអញ្ជើញមកចូលរួមក្នុងពិធីមង្គលការនេះ ពីសំណាក់សម្តេចតេជោ ហ៊ុន សែន និង សម្តេចកិត្តិព្រឹទ្ធបណ្ឌិត ប៉ុន រ៉ានី ហ៊ុន សែន និងថ្នាក់ដឹកនាំធំៗជាច្រើននាក់ទៀត ៕

ដោយ វឌ្ឍនា