ប្រភពពីយោធាប៉ាគីស្ថានបានបញ្ជាក់ថា ក្រុមឧទ្ទាម៩នាក់ត្រូវផ្តន្ទាទោសអស់មួយជីវិត ដោយសារតែទង្វើភេរវកម្មរបស់ពួកគេនាពេលកន្លងមក ។
ជនដែលត្រូវដាក់ទោសទាំងនេះបានជាប់ទាក់ទងការវាយប្រហារភេរវកម្មនៅព្រះវិហារស្ថិតនៅក្នុងតំបន់យោធា ទីក្រុង Multan ខេត្ត Punjab ក៏ដូចជាការវាយប្រហារមកលើភ្នាក់ងាររក្សាសន្តិសុខ ការចាប់ជំរិត និងការសម្លាប់ជនស៊ីវិលស្ថិតនៅក្នុងទីក្រុង Lahore នោះផងដែរ ។
ការផ្តន្ទាទោសនេះធ្វើឡើងដោយតុលាការយោធាប្រទេសប៉ាគីស្ថានកាលពីថ្ងៃទី១ ខែមករា ឆ្នាំ២០១៦ ។ តុលាការយោធាប៉ាគីស្ថានត្រូវបានបង្កើតឡើង បន្ទាប់ពីមានការវាយប្រហារសម្លាប់រង្គាលនៅសាលារៀនមួយកន្លែងកាលពីខែធ្នូ ឆ្នាំ២០១៤ ។
ជនដែលត្រូវផ្តន្ទាទោសមានសិទ្ធិនៅក្នុងការប្តឹងទាស់ចំពោះការសម្រេចរបស់តុលាការយោធាខាងលើនេះស្របទៅតាមច្បាប់ ។
នាយករដ្ឋមន្ត្រីណាវាស់ សារីហ្វ កាលពីពេលថ្មីៗនេះ បានស្នើដល់ប្រធានាធិបតីឲ្យច្រានចោរាល់ញត្តិទាំងឡាយរបស់ក្រុមឧទ្ទាម ដោយសារថា ក្រុមនោះហើយបានធ្វើសកម្មភាពភេរវកម្មសម្លាប់កងកម្លាំងសន្តិសុខរដ្ឋាភិបាល និងជនស៊ីវិល ៕
ប្រែសម្រួល៖ ថាច់ យ៉ាត
