ភ្នំពេញ៖បុរសម្នាក់ទំនងជាស្រវឹងស្រាបើករថយន្តតបុកបង្គោលភ្លើងបំភ្លឺផ្លូវនៅកណ្តាលទ្រូវផ្លូរួចជាប់ទៅមុខលែងរួច សំណាងល្អមិនមានអ្នករងរបួស
ហេតុការណ៍នេះកើតឡើងកាលពីម៉ោង ៣ ទៀបភ្លឺឈានចូលថ្ងៃទី ២៣ខែវិច្ឆិកា ឆ្នាំ ២០១៩ នៅតាមបណ្ដោយផ្លូវលេខ២៧៣កែងផ្លូវលេខ៥១៦ក្នុងសង្កាត់ទួលសង្កែទី១ ខណ្ឌឫស្សីកែវ រាជធានីភ្នំពេញ។
ប្រភពពត៌មាននៅកន្លែងកើតហេតុបានឲ្យដឹងថា មុនពេលកើតហេតុគេឃើញរថយន្តតូយ៉ូតាកាមរីហាយប្រ៊ីដមួយគ្រឿង ពណ៌ស ពាក់ស្លាកលេខ ភ្នំពេញ 2AA-2345 បើកបរដោយបុរសម្នាក់ ធ្វើដំណើរតាមបណ្ដោយផ្លូវលេខ២៧៣ក្នុងទិសដៅពីជើងទៅត្បូងយ៉ាងលឿន ខណៈដល់ចំណុចកើតហេតុម្ចាស់បានរេចង្កូតមកជ្រុលទៅបុកបង្គោលភ្លើងបំភ្លឺផ្លូវពេញទំហឹងបណ្ដាលឲ្យរថយន្តរួញទៅមុខលែងរួច ចំណែកម្ចាស់រថយន្តគេចខ្លួនបាត់។
បន្ទាប់ពីកើតហេតុសមត្ថកិច្ចមូលដ្ឋានបានចុះដល់កន្លែងកើតហេតុបានទំនាក់ទំនងទៅខាងជំនាញចរាចរផ្លូវគោកនៃស្នងការនគរបាលរាជធានីភ្នំពេញ មកស្ទូចរថយន្តយកទៅរក្សាទុករងចាំដោះស្រាយគ្នានៅពេលក្រោយ៕
ដោយ៖ ជ្រោយពេជ្រ
