ខេត្ដឧត្ដរមានជ័យ៖ មានប្រជាពល រដ្ឋម្នាក់ឈ្មោះ ហេង ចាន់ ភេទប្រុស អាយុ២៣ឆ្នាំ រស់នៅភូមិទួលពង្រ ឃុំ ទំនប់ដាច់ ស្រុកត្រញំងប្រាសាទ ខេត្ដ ឧត្ដរមានជ័យ បានទៅចម្ការរបស់គាត់ ស្រាប់តែប្រទះឃើញបុរសម្នាក់ចង.ក នឹងខោលីអូនៅលើដើមឈើសម្លាប់ខ្លួន កាលពីវេលាម៉ោង១១និង៤០នាទីព្រឹក ថ្ងៃទី១ ខែមករា ឆ្នាំ២០១៦។
នគរបាលស្រុកបានឱ្យដឹងថា ជនរង គ្រោះឈ្មោះ លេង រស្មី ភេទប្រុស អាយុ ២២ឆ្នាំ រស់នៅភូមិបន្ទាយចាស់ ឃុំ ព្រះប្រឡាយ ស្រុកត្រញំងប្រាសាទ ខេត្ដ ឧត្ដរមានជ័យ។
តាមការបំភ្លឺរបស់ឪពុកជនរងគ្រោះឱ្យដឹងថា កូនរបស់គាត់មានជំងឺម្យ៉ាង ដែលអ្នកស្រុកហៅថាសៅសោយ(សរ សៃប្រាសាទ) ដោយឃើញមនុស្សចេះ តែខ្លាច ។ កន្លងមកធ្លាប់ផឹកថ្នាំបាញ់ ស្មៅម្ដងពីររួចមកហើយប៉ងសម្លាប់ខ្លួន ប៉ុន្ដែគាត់ឃើញទាន់។ លុះនៅថ្ងៃទី២០ ខែធ្នូ ឆ្នាំ២០១៥ កន្លងទៅនេះគាត់បាន បាត់កូនពីផ្ទះទាំងរូបគាត់បងប្អូនដើររកពុំឃើញ រហូតដល់ព្រឹកថ្ងៃទី១ ខែមករា ឆ្នាំ២០១៦ ទើបទទួលដំណឹងថាចង.ក ស្លាប់នេះ ។
សមត្ថកិច្ចនគរបាលជំនាញស្រុកបានឱ្យដឹងថា ជនរងគ្រោះពិតជាស្លាប់ដោយ សារចង.កពិតប្រាកដមែនហើយក្រោយពិនិត្យបានប្រគល់សពឱ្យក្រុមគ្រួសារ យកទៅធ្វើបុណ្យតាមប្រពៃណី ៕
ដោយ៖ សហការី
