តាមការទស្សទាយរបស់លោកយាយពិការភ្នែកVanga នៅក្នុងឆ្នាំ២០១៦នេះក្រុមអិស្លាមបង្កើតរដ្ឋនឹងប្រើប្រាស់អាវុធគីមីវាយប្រហារតំបន់អឺរ៉ុបនិងភ្លៀងវិទ្យុសកម្ម នៅប៉ូលខាងជើងផែនដីធ្វើឲ្យរុក្ខជាតិ សត្វ ត្រូវបាត់បង់ជីវិត។
សារព័ត៌មានអូស្ត្រាលីNews.com.au បានផ្សាយថា លោកយាយVangaអ្នកទស្សទាយពីវាសនាពិភពលោកលោកត្រូវជាង៩០ភាគរយបានព្យាករណ៍ពីឆ្នាំ២០១៦នេះនឹងមានវិបត្តិកើតឡើងយ៉ាងខ្លាំងនៅអឺរ៉ុបមជ្ឈឹមបូព៌ារ។ តាមការទស្សន៍ទាយ អឺរ៉ុបត្រូវក្រុមអិស្លាមបង្កើតរដ្ឋIS ឈ្លានពាន ហើយការឈ្លានពាននោះចាប់ផ្តើមចេញពី អារ៉ាប់និទាឃរដូវឆ្នាំ២០១០នៅក្នុងប្រទេសស៊ីរី អូសបន្លាយដល់ពេលនេះ។
លោកយាយក៏បានបញ្ជាក់យ៉ាងច្បាស់ពីអាវុធដែលក្រុមIS បានប្រើប្រាស់សម្រាប់វាយប្រហារតំបន់អឺរ៉ុប នោះគឺអាវុធគីមីសាស្ត្រ។ នៅឆ្នាំ២០៤៣ អឺរ៉ុបនឹងស្ថិតនៅក្រោមការគ្រប់គ្រងរបស់ក្រុមអិស្លាមបង្កើតរដ្ឋជាមិនខាន ហើយបង្កើតទៅជាប្រទេសអិស្លាមដោយយកទីក្រុងរ៉ុម ប្រទេសអីុតាលីធ្វើជារដ្ឋធានី។
ការទស្សន៍ទាយរបស់លោកយាយតាំងពីឆ្នាំ១៩៧៨ មកម្លេះប៉ុន្តែមិនសូវមានអ្នកណាចាប់អារម្ភនោះឡើយរហូតដល់ការបង្ហាញមុខរបស់ក្រុមអិស្លាមបង្កើតរដ្ឋនិងការវាយប្រហារនៅអឺរ៉ុបទើបធ្វើឲ្យគេព្រួយបារម្ភការគ្រប់គ្រងរបស់ក្រុមIS នៅអឺរ៉ុប និងធ្វើជាម្ចាស់នៃបច្ចេកវិទ្យាបរមាណូ។
ការដែលក្រុមអិស្លាមបង្កើតរដ្ឋIS គ្រប់គ្រងឃ្លាំងអាវុធគីមីរបស់ស៊ីរីមិនមែនជារឿងពិបាកនោះឡើយ ហើយពួកគេមិនស្ទាក់ស្ទើរក្នុងការប្រើប្រាស់វាយសម្រាប់វាយប្រហារនៅទីប្រជុំជននោះឡើយ ពេលនោះមនុស្សជាច្រើននឹងត្រូវប្រឈមនៅជម្ងីមហារីកនិងជម្ងឺផ្សេងៗជាច្រើនផ្សេងទៀត។
តាមការទស្សន៍ទាយរបស់លោកយាយ នៅឆ្នាំ២០១៨ចិននឹងក្លាយជាប្រទេសមហាអំណាចលើពិភពលោក ចំណែកប្រទេសអភិវឌ្ឍន៍ក្លាយទៅជាប្រទេសឈ្លានពានប្រទេសដទៃទៀតក្នុងការខួងយកប្រេងរ៉ែធម្មជាតិ។ឆ្នាំ២០២៣ តារាវិថិផែនដីត្រូវផ្លាស់ប្តូរ។ឆ្នាំ២០២៥ មានមនុស្សដែលមានមាឌតូចៗចូលទៅកាន់អឺរ៉ុប។
ឆ្នាំ២០២៨ មនុស្សនឹងបង្កើតឲ្យមានថាមពលថ្មី ហើយគ្រោះអត់ឃ្លានត្រូវបានបញ្ចប់ ។ទន្ទឹមនិងនោះយានអាវកាសមានមនុស្សបើកនឹងចុះចត់នៅភពព្រះអង្គារ។
ឆ្នាំ២០៣៣ ផ្ទាំងទឹកកកនៅប៉ូលខាងជើងផែនដីរលាយ ធ្វើឲ្យគម្រិតទឹកសមុទ្រកើនឡើងខ្ពស់ជនលិចទីក្រុងជាច្រើននៅវាលទំនាប៕
