ខេត្តតាកែវ: មានការភ្ញាក់ផ្អើលមួយបានកើតមានឡើងកាលពីព្រឹក ថ្ងៃ សុក្រ ១០កើត ខែ មិគសិរ ឆ្នាំ កុរ ឯកស័ក ព.ស.២៥៦៣​. ត្រូវនឹងថ្ងៃទី៦ ខែធ្នូ ឆ្នាំ២០១៩ ស្ថិតលើផ្លូវរថភ្លើងចន្លោះភូមិត្រពាំងខ្នុរ និងភូមិព្រៃផ្អេរ ឃុំរនាម ស្រុកទ្រាំង ខេត្តតាកែវ បន្ទាប់ពីគេបានប្រទះឃើញសពមនុស្ស្សម្នាក់ត្រូវរថភ្លើងកិនដាច់ក្បាលស្លាប់យ៉ាងអាណោចអាធ័ម ។
ប្រភពព័ត៌មានពីកន្លែងកើតហេតុបានឲ្យដឹងថា ជនរងគ្រោះ មិនត្រូវបានគេអត្តសញ្ញាណទេ និងមិនដឹងហេតុអីបានជារទេះភ្លើងបុកស្លាប់នោះទេ គេគ្រាន់តែដឹងថាភេទប្រុស អាយុប្រហែល២៦ ពុំមានស្លៀកពាក់ទេ (មានតែកន្សែង) ឆ្នាំ ។
អាជ្ញាធរមូលដ្ឋានបានអំពាវនាវបើមានបងប្អូនណា បាត់សមាជិកដូចមានភិនភាគខាងលើ សូមមកទទួលសពជនរងគ្រោះ នៅទីតាំងខាងលើ ដើម្បីយកទៅធ្វើបុណ្យតាមប្រពៃណី៕

ដោយ៖ ប្រាថ្នា