ភ្នំពេញ៖ ជនសង្ស័យម្នាក់ក្នុងចំណោមបក្ខពួក៣នាក់ត្រូវប្រជាពលរដ្ឋនាំគ្នាចាប់យកមកប្រគាល់អោយនគរបាលប៉ុស្តិ៍រដ្ឋបាលអូរបែកក្អមក្រោយពីពួកគេបាននាំគ្នាជិះម៉ូតូកង់បីទៅធ្វើសកម្មភាពលួចយកម៉ូតូរបស់ជនរងគ្រោះដែលទុកនៅមុខបន្ទប់ជួល។
ការឃាត់ខ្លួនជនសង្ស័យខាងលើនេះកាលពីវេលាម៉ោង០៥ និង០០នាទីថ្ងៃទី ២២ខែធ្នូឆ្នាំ២០១៩ នៅចំណុចមុខបន្ទប់ជួល ផ្លូវបេតុង ភូមិអូរបែកក្អម សង្កាត់អូរបែកក្អម ខណ្ឌសែនសុខ ។
ជនសង្ស័យឈ្មោះ ប៉ុន ទិត្យ ភេទប្រុស អាយុ ២១ មុខរបរគ្មាន ជនជាតិខ្មែរ ស្នាក់នៅបន្ទប់ជួល ផ្លូវបេតុង ភូមិទួលពង្រ សង្កាត់ចោមចៅ២ ខណ្ឌពោធិ៍សែនេជ័យ (មានសារធាតុញៀន)។ចំណែកជនរងគ្រោះ ឈ្មោះ សៅរិ៍ រក្សា ភេទប្រុស អាយុ ១៩ មុខរបរនិស្សិត ជនជាតិខ្មែរ ស្នាក់នៅបន្ទប់ជួល ផ្លូវបេតុង ភូមិកាំកូស៊ីធី សង្កាត់ទូលសង្កែ ខណ្ឌឬស្សីកែវ។
យោងតាមរបាយការណ៍របស់នគរបាលប៉ុស្តិ៍អូរបែកក្អមបានអោយដឹងថា៖ នៅមុនពេលកើតហេតុក្រុមជនសង្ស័យមានគ្នា៣នាក់បានជិះម៉ូតូកង់បីមួយគ្រឿងទៅធ្វើសកម្មភាពលួចយកម៉ូតូរបស់ជនរងគ្រោះដែលទុកនៅមុខបន្ទប់ជួលលុះទៅដលបក្ខពួកជនសង្ស័យ២នាក់បានចុះទីលួចយកមម៉ូតូ០១គ្រឿងម៉ាក ឡែត ពណ៌ស ផលិតឆ្នាំ២០១៥ ពាក់ស្លាកលេខភ្នំពេញ1FC-5467 របស់ជនរងគ្រោះអូសចេញបានបន្តិចស្រាប់ជន រងគ្រោះឃើញក៍ស្រែកឆោឡាពេលនោះបក្ខពួករបស់គេបាននាំគ្នារត់ឡើងជិះម៉ូតូកង់បីគេចខ្លួនចំណែកជនសង្ស័យម្នាក់ឈ្មោះ ប៉ុន ទិត្យ រត់មិនរួចទើបប្រជាពលរដ្ឋនិងជនរងគ្រោះនាំដេញចាប់បានតែម្តងហើយ យកមកប្រគាល់អោយសមត្ថកិច្ចប៉ុស្តិ៍អូរបែកក្អមចាត់ការតែម្តងទៅ។ បច្ចុប្បន្ន ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធី ចំណែកបក្ខពួក២នាក់ទៀតសមត្ថកិច្ចកំពង់ស្រាវជ្រាវតាមចាប់ខ្លួនផងដែ៕
