ខេត្តមណ្ឌលគិរី ÷ នៅវេលាម៉ោង ៣និង៣០នាទីរសៀលរសៀលទី០៤ ខែមករា ឆ្នាំ២០១៦ នៅចំណុចផ្លូវជាតិលេខ៧៦ ផ្លូវទៅកាន់រមណីដ្ឋានចម្ការកាហ្វេ ស្ថិតនៅភូមិចំការតែ សង្កាត់ស្ពានមានជ័យ ក្រុងសែនមនោរម្យ ខេត្តមណ្ឌលគិរី មានករណីគ្រោះថ្នាក់ចរចរណ៍មួយ បានកើតឡើង នៅវេលាម៉ោង បណ្តាលឲ្យបុរសម្នាក់រងរបួសធ្ងន់។
តាមប្រភពព័ត៌នៅកន្លែងកើតហេតុបានឲ្យដឹងថា បុរសខាងលើមិនត្រូវបានស្គាល់ឈ្មោះ បានជិះម៉ូតូម៉ាក YAMAHA សឺរុស គ្មានស្លាកលេខ បើកបរក្នុងល្បឿនលៀន ពីកើតមកលិច ឆ្ពោះមកទីរួមខេត្តមណ្ឌលគិរី។ ពេលមកដល់ កន្លែងកើតហេតុ ក៏បានរអិលនឹងគ្រួសក្រហម ដែលនៅចញ្ចើមថ្នល់បោកជាច្រើនត្រឡប់ប្រមាណជាង២០ម៉ែត្រ បណ្តាលឲ្យរងរបួសធ្ងន់។
ក្រោយពេលកើតហេតុ គេឃើញមានកម្លាំងសមត្ថកិច្ចចុះមកអន្តរាគមន៍ និងបញ្ចូនជនរងគ្រោះទៅមន្ទីរពេទ្យបង្អែកភ្លាមៗ ខណៈមិនទាន់ស្កាល់ អត្តញ្ញណនៅឡើយរហូតដល់ពេលនេះ៕ សហការី
...
