ភ្នំពេញ៖ តារាពហុជំនាញ ហួត វឌ្ឍនា ehA Mr. Queen បានប្រកាសខ្លួនវិលចូល សិល្បៈជាថ្មីក្រោយពីបាត់មុខក្នុងចង្កោម សិល្បៈអស់ជាងមួយឆ្នាំ។ សិល្បករដែលល្បី ល្បាញដោយសារការសម្ដែងតុបតែងខ្លួនជាភេទទី៣នេះបញ្ជាក់ថា នឹងមានការងារ សិល្បៈជាច្រើនដែលអាចធ្វើឱ្យមានការ ភ្ញាក់ផ្អើលសម្រាប់អ្នកគាំទ្រជាថ្មីផងដែរ។
Mr.Queen ធ្លាប់បានធ្វើឱ្យទស្សនិក ជនចាប់អារម្មណ៍ខ្លាំងកាលពីអំឡុងចុងឆ្នាំ២០១៤បន្ទាប់ពីតារាសម្ដែងShowរូបនេះ បង្ហាញក្បាច់រាំនិងការតុបតែងខ្លួនដែល មានសភាពជាមនុស្សប្រុសមួយចំហៀង ខ្លួននិងស្រីមួយចំហៀងខ្លួន។ តារាសម្ដែង រូបនេះបញ្ជាក់ថា ការបាត់មុខមួយរយៈ នេះដោយសារលោកមមាញឹកនឹងការងារ បង្ហាត់បង្រៀនផ្នែកបង្ហាញម៉ូដដល់យុវជន ជំនាន់ក្រោយទើបលោកមិនមានពេល គ្រប់គ្រាន់ប្រឡូកក្នុងសិល្បៈ។ លោកបន្ដថា សម្រាប់ដើមឆ្នាំ២០១៦នេះលោកប្រកាស វិលចូលសិល្បៈជាថ្មីជាមួយនឹងការងារដ៏ ច្រើនសន្ធឹកសន្ធាប់ស្ទើររកពេលសម្រាក គ្មាន។ តារារូបនេះលើកឡើងថា ចាប់ពី ថ្ងៃទី៩ ខែមករា ឆ្នាំ២០១៦ ទៅ លោកនឹង ចាប់ផ្ដើមសម្ដែងជាថ្មីក្នុងកម្មវិធីប្រគំតន្ដ្រី របស់ស្រាបៀរអ៊ិចស្ពឺតជាមួយនឹងតំណែងថ្មីមួយបន្ថែមទៀតគឺការគ្រប់គ្រងតារា ចម្រៀងតារាសម្ដែងក្នុងកម្មវិធីខាងលើនេះ ផងដែរ។ លោកបន្ដថា ក្រៅពីជាអ្នកគ្រប់ គ្រងទូទៅលោកក៏មានការងារជាច្រើន ទៀតត្រូវបំពេញនិងជាការងារធំសម្រាប់ឆ្នាំ២០១៦នេះដែលលោកគឺជាអ្នកចាត់ ការទូទៅក្នុងកម្មវិធីប្រកួតប្រជែងជ្រើសរើស តារាបង្ហាញម៉ូដ Face of Cambodia ដែលជាការសហការជាមួយនឹងក្រុមហ៊ុនមកពីប្រទេសកូរ៉េដើម្បីស្វែងរកម្ចាស់ជ័យ លាភីយកទៅធ្វើការប្រកួតប្រជែងនៅ ប្រទេសកូរ៉េហើយកម្មវិធីនេះនឹង
ត្រូវបានចាប់ផ្ដើមផ្សាយផ្ទាល់លើកញ្ចក់ទូរទស្សន៍CNCនាពេលដ៏ខ្លីខាងមុខនេះផងដែរ។ តារាសម្ដែងនិងជាគ្រូបង្រៀនផ្នែកបង្ហាញ ម៉ូដវ័យ២៤ឆ្នាំរូបនេះលើកឡើងដែរថា ការប្រកាសវិលចូលសិល្បៈជាថ្មីរបស់ លោកទទួលបានផ្លែផ្កាច្រើនរហូតធ្វើឱ្យ លោករវល់មិនតិចជាង៦ថ្ងៃក្នុងមួយសបា្ដហ៍ ប៉ុន្ដែលោកបានតាំងចិត្ដថានឹងតស៊ូបំពេញ ការងារទាំងនេះឱ្យទទួលបានជោគជ័យ។
អ្វីដែលកាន់តែធ្វើឱ្យការងារសិល្បៈ របស់លោកនឹងកាន់តែមមាញឹកច្រើន ជាងមុនគឺថ្មីៗនេះលោកបានបើកសាលា បណ្ដុះបណ្ដាលលើជំនាញសិល្បៈជាច្រើន ទម្រង់ដូចជា ការបង្ហាញម៉ូដ សម្ដែង ពិធីការិនី រាំ ដល់យុវជនជំនាន់ក្រោយ ដែលមានបំណង់ចង់ក្លាយជាសិល្បករអាជីព ផងដែរ។ លោកថានឹងផ្ដល់ឱកាសសម្រាប់ ពួកគេទៅតាមសមត្ថភាពចំណេះជំនាញ ដែលទទួលបានពីការបណ្ដុះបណ្ដាលខណៈ ដែលលោកមានការសហការច្រើនជា មួយនឹងកម្មវិធីនិងផលិតកម្មក្នុងស្រុកផងដែរ។
ជាមួយនឹងការវិលត្រឡប់ជាថ្មីនេះដែរMr. Queen រំពឹងថា នឹងទទួលបានជោគ ជ័យខ្ពស់ទាំងការងារសម្ដែងគ្រប់គ្រងកម្ម វិធីនិងបណ្ដុះបណ្ដាលជំនាញសិល្បៈសម្រាប់ យុវជនជំនាន់ក្រោយហើយលោកក៏រំពឹង ដែរថានឹងទទួលបានការគាំទ្រច្រើនពីទស្សនិកជន៕
ដោយ៖ វឌ្ឍនា
