រាជរដ្ឋាភិបាលកម្ពុជា អនុញ្ញាតឲ្យខ្មែរអ៊ិស្លាម បុរសពាក់កាតឹប និងស្រ្ដីទទូរក្បាលថតរូបធ្វើលិខិតឆ្លងដែន ឬអត្ដសញ្ញាប័ណ្ណផ្សេងៗ និងបញ្ចូលគ្រូបង្រៀន១៥០០នាក់ទៅក្នុងក្របខណ្ឌរដ្ឋ

ចែករំលែក៖

ភ្នំពេញ៖   យោងតាម​សេចក្តីជូនដំណឹង​របស់​ទីស្តីការគណៈរដ្ឋមន្ត្រី និង​យោងតាម​ចំណារ​ពី​ប្រមុខ​រដ្ឋាភិ​បាល​កម្ពុជា បានសម្រេច​អនុញ្ញាត​ឲ្យ​ស្ត្រី​ខ្មែរឥស្លាម ​ទាំងអស់​មាន​សិទ្ធិ​អា​ចទ​ទូ​រ​ក្រមា ហើយ​បុរស​អាច​ពាក់​កាតឹប​បាន នៅពេល​ពួកគេ​ថតរូប​ធ្វើ​អត្តសញ្ញាណប័ណ្ណឬលិខិតឆ្លងដែន សម្រាប់ធ្វើ​ឯក​សារ​រដ្ឋ​បាល​ផ្សេងៗ ។ ការសម្រេច​នេះ ធ្វើឡើង​ក្រោយពី​មាន​សំណើរ​ពី​ថ្នាក់ដឹកនាំ​ខ្មែរឥស្លាម ដែល​មាន​គណៈ​ដឹកនាំ​ជាន់ខ្ពស់​នៃ​សាសនា​ឥស្លាម​កម្ពុជាក៏ដូចជា​អង្គការ​មូលនិធិ​អភិវឌ្ឍន៍​មូ​ស្លឹ​ម​កម្ពុជា។
នៅព្រឹកថ្ងៃទី១១ ខែកក្ដដានេះ លោកអូស្មាន ហាស្សាន់ រដ្ឋមន្ដ្រី ប្រតិភូអមនាយករដ្ឋមន្ដ្រី និងជាប្រ​ធានអង្គការមូលនិធិអភិវឌ្ឍន៍មុស្លិមកម្ពុជា បានបញ្ជាក់ថា៖  រាជរដ្ឋាភិបាលកម្ពុជា បានសម្រេចនេះ  ជា​ការបង្ហាញនូវ​ការយកចិត្ដទុកដាក់ខ្ពស់ ពីសំណាក់រាជរដ្ឋាភិបាលកម្ពុជា លើសេរីភាពការគោរពជំនឿ​សាសនា  របស់ឥស្លាម ដែលជាគោលការណ៍ជាច្រើន ត្រូវបានផ្ដល់ជូនរួចហើយ ដូចជាសិស្ស និស្សិត អាចទទូរក្បាលពេលចូលទៅសាលារៀន ទំាងរដ្ឋ និងឯកជន មានកន្លែងថ្វាយបង្គំ នៅវិមានសន្ដិភាព នៅ​តាមព្រលានយន្ដហោះ ការផ្សព្វផ្សាយវិន័យធម៌ឥស្លាម នៅតាមវិទ្យុ និងទូរទស្សន៍ កាសែត ជាដើម ។

លោកអូស្មាន ហាស្សាន់ បានបញ្ជាក់ថា៖ ក្រៅពីអនុញ្ញាតឲ្យខ្មែរឥស្លាមពាក់កាតឹប និងទទូរក្បាល  ​រួច​មក  រាជរដ្ឋាភិបាលកម្ពុជា ក៍បានសម្រេច បញ្ចូលគ្រូបង្រៀនខ្មែរអ៊ិស្លាម  ចំនួន១៥០០នាក់ ទៅក្នុងក្រប​ខណ្ឌក្រសួង អប់រំ យុវជន  និងកីឡា។ គ្រូបង្រៀនខ្មែរអ៊ិស្លាមទំាង១៥០០នាក់នេះ និងអាចបើកប្រាក់ បៀ​វត្សរ៍ បានចាប់ពី  ខែសីហា ឆ្នំា២០១៥នេះតទៅ ។     លោកបន្ដថា៖ សាសនិកឥស្លាមកម្ពុជា និងទូទំាង​ពិភព​លោក   សូមសម្ដែង  នូវសេចក្ដីគោរព ដឹងគុណ​  យ៉ាងជ្រាលជ្រៅបំផុត រកអ្វីមកប្រៀបផ្ទឹមពុំបាន ចំពោះ​ការផ្ដល់ ជូនដ៍ធំធេងនឹកស្មានមិនដល់ ហើយខ្មែរ​អ៊ិស្លាមទំាងអស់ និងចងចំាជានិច្ច​គ្មានថ្ងៃបំភ្លេច​បាន​ឡើយ ។

សូមបញ្ជាក់ថា៖   ក្នុង​សេចក្តីជូនដំណឹង​លេខ៧០៤ដែល​ធ្វើឡើង​នៅ​ថ្ងៃទី២៩មិថុនា ទីស្តីការ​គណៈ​រដ្ឋមន្ត្រី បានស្នើ​ឲ្យ​រដ្ឋមន្ត្រី​ក្រសួងមហាផ្ទៃ រដ្ឋមន្ត្រី​ក្រសួងការបរទេស និង​សហប្រតិបត្តិការ​អន្តរជាតិ អនុ​វត្ត និង​ចាត់ចែង​តាម​ការគួរ​ចំពោះ​សេចក្តីសម្រេច​នេះ  ។  ក្នុង​លិខិត​ដាច់ដោយឡែក​លេខ ៧០៣មួយ​ទៀត រដ្ឋាភិបាល​កម្ពុជា  ​ក៏បាន​សម្រេច​បញ្ចូល​គ្រូបង្រៀន​ខ្មែរអ៊ិស្លាម ​ចំនួន​ប្រមាណ១៥០០នាក់​ទូទាំង​ប្រទេស ទៅក្នុង​ក្របខណ្ឌ​គ្រូបង្រៀន​នៃ​ក្រសួង​អប់រំ យុវជន និង​កីឡា​ផងដែរ។ សេចក្តីសម្រេច​ដែល​ធ្វើ​ឡើង​នៅ​ថ្ងៃទី ២៩ មិថុនា ឆ្នាំ២០១៥ដែរនោះ បាន​យោងតាម​ចំណារ​ពី​ប្រមុខ​រដ្ឋាភិបាល  ​ដែល​ចុះ​ថ្ងៃទី ២៧​ មិថុនា ស្តីពី​ការយល់ព្រម​  តាម​ការស្នើសុំ​គោលការណ៍​ខាងដើម។ ទីស្តីការ​គណៈ​រដ្ឋមន្ត្រី ស្នើ​ឲ្យ​ក្រសួង​អប់រំ យុវជន និង​កីឡា ក្រសួង​សេដ្ឋកិច្ច និង​ហិរញ្ញវត្ថុ និង​ក្រសួង​មុខងារសាធារណៈ សហការ​អនុវត្ត​សេចក្តីសម្រេច​នេះ​ចាប់ពី​ខែ សីហា ឆ្នាំ២០១៥នេះ តទៅ  ៕ដោយ៖ សំរិត

a3

hg67

...

s7


ចែករំលែក៖
ពាណិជ្ជកម្ម៖ Naza Wedding Planner ads2 ads3 ambel-meas ads5 ads6 scanpeople ads7 fk Print