ខេត្តកណ្តាល៖ បុរសម្នាក់ផឹកស្រាស្រវឹងចុះមុជទឹកស្រះ ខាងក្រោយផ្ទះរបស់ខ្លួនបណ្តាលឲ្យលង់ទឹកស្លាប់យ៉ាងអណោចអធ័មបង្កឲ្យមានការភ្ញាក់ផ្អើល កាលពីវេលាម៉ោង២០ និង១០នាទី ថ្ងៃទី៥ ខែមករា ឆ្នាំ ២០១៦ ត្រង់ចំណុចស្រះទឹកខាងក្រោយផ្ទះជន រងគ្រោះចំងាយ៨ម៉ែត្រ ស្ថិតក្នុងភូមិត្រពាំងជ្រៃ ឃុំឈើខ្មៅ ស្រុកកោះធំ ខេត្តកណ្តាល ។

មន្ត្រីនគរបាលស្រុកកោះធំបានឲ្យដឹងថា ជនរងគ្រោះឈ្មោះ ហេ ធី ភេទប្រុស អាយុ៣៧ឆ្នាំ ជនជាតិ ខ្មែរមុខរបរ កម្មករលីសែង មានទីលំនៅក្នភូងមិ ត្រពាំងជ្រៃ ឃុំ ឈេីខ្មៅ ស្រុកកោះធំ ។

ប្រភពដដែលបានបន្តថា នៅមុនពេលកើតហេតុ នៅវេលាម៉ោង៥ល្ងាចជនរងគ្រោះបានត្រឡប់មកពីស៊ីឈ្មួលលីបាវជីនៅភូមិព្រែកស៊ឹង ឃុំសំពៅពូន ស្រុក កោះធំវិញហើយបានទិញស្រាសចំនួនកន្លះលីត្រ យកមកអង្គុយផឹកម្នាក់ឯង រហូតអស់ទើបដើរទៅផឹកកាហ្វេនៅក្បែរផ្ទះ ។ ក្រោយពីផឹកកាហ្វេរួចជនរងគ្រោះបានដើរចុះទៅមុជទឹកស្រះខាងក្រោយផ្ទះម្នាក់ឯង ខណៈនោះបណ្តាលឲ្យលង់ទឹកបាត់ខ្លួនតែម្តង ។

សមត្ថកិច្ចនគរបាលស្រុកកោះធំបានបញ្ជាក់ថា  សាកសពជនរងគ្រោះពុំមានស្លាកស្នាមអ្វីគួរឲ្យកត់សំគាល់ពាក់ព័ន្ធនឹងករណីឃាតកម្មអ្វីទ្បើយ ។ ជនរងគ្រោះពិតជាលង់ទឹកស្លាប់ដោយខ្លួនឯងប្រាកដមែន ។ ក្រោយការពិនិត្យរួចសមត្ថកិច្ចបានប្រគល់សាកសពជូនក្រុមគ្រួសារជនរងគ្រោះយកទៅធ្វើបុណ្យតាមប្រពៃណីយ ៕

ដោយ៖ ស្អាងជ័យ