ភ្នំពេញ៖ ស្នូលគ្រាប់កាំភ្លេីង២គ្រាប់ បានផ្ទុះឡេីងផ្ទួនៗគ្នា ខណៈដែលជនមិនស្គាល់មុខម្នាក់ បានជិះម៉ូតូ១គ្រឿងមកបាញ់ឡេីងលេីមេឃដោយមិនដឹងមូលហេតុ ធ្វេីឲ្យភ្ញាក់ផ្អើលដល់សមត្ថកិច្ច​ និងប្រជាពលរដ្ឋដែលកំពុងគេងលង់លក់ផងដែរ ។

ហេតុការណ៍បាញ់បោះស៊េរីខាងលេីនេះ បានកេីតឡេីងកាលពីវេលាម៉ោង១២ និង៣០នាទីរំលងអាធ្រាត្រឈានចូលថ្ងៃទី៧ ខែមករា ​ឆ្នាំ​២០១៦ត្រង់ចំនុចផ្លូវ១៥០ កែងផ្លូវ២២១ ស្ថិតក្នុងសង្កាត់ផ្សារដេប៉ូទី១ ខណ្ឌទួលគោក ។

តាមប្រភពព័ត៍មានពីមន្ត្រីនគរបាលមូលដ្ឋាន បានឲ្យដឹងថា ចំពោះករណីបាញ់បោះស៊េរីនេះ សមត្ថកិច្ចកំពុងធ្វេីការស្រាវជ្រាវដេីម្បីកំណត់មុខសញ្ញាណជនបង្កនោះ ហេីយករណីនេះពុំទាន់ដឹងពីមូលហេតុអ្វីពិតប្រាកដនោះទេ ព្រោះជនបង្កធ្វេីសកម្មភាពរួចក៏ជិះម៉ូតូគេចខ្លួនចេញពីកន្លែងកើតហេតុតែម្តង ។

បេីតាមប្រភពពីសាក្សីនៅកន្លែងកេីតហេតុបានឲ្យដឹងថា ពួកគាត់គ្រាន់តែឮសូរសំលេងគ្រាប់កាំភ្លេីងផ្ទុះចំនួន២គ្រាប់ ហេីយពេលសមត្ថកិច្ចចុះទៅដល់កន្លែងកេីតហេតុរកឃើញតែសំបកគ្រាប់ ដែលបន្សល់ទុកតែប៉ុណ្ណោះ ៕

ដោយ៖ ស ដារ៉ា