ភ្នំពេញ៖ កម្ពុជាកាន់តែមានការអភិវឌ្ឍន៍ជឿនលឿន ទន្ទឹមនឹងបើកការដ្ឋាន សាងសង់ ផ្លូវជាតិលេខ ២ និង លេខ២២ ជាសមិទ្ធផលថ្មីជូនជនរួមជាតិ គឺសម្តេចតេជោ ហ៊ុន សែន នាយករដ្ឋមន្ត្រី នៃកម្ពុជា នឹងបន្តកសាងស្ពាន ជ្រោយ ចង្វារ- ស្វាយជ្រុំ អាចចំណាយការសាងសង់ពី ៤០ ទៅ៥០លានដុល្លារ ។
សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានស្នើមិត្តកូរ៉េ ជួយកសាងស្ពាន ឆ្លងកាត់ទន្លេមេគង្គ ពីតំបន់ជ្រោយចង្វារ ទៅកាន់ស្វាយជ្រុំនៅតំបន់ អរិយក្សត្រ ។ ជាមួយគ្នានេះ សម្តេចតេជោ ហ៊ុន សែន បានបង្ហើបឲ្យដឹងថា តាមការប៉ាន់ស្មានគម្រោងសាងសង់ស្ពាននេះ អាចនឹងចំណា យពី៤០ ទៅ៥០លានដុល្លារ។ ការថ្លែងបែបនេះធ្វើឡើង ក្នុងពិធីបើកការដ្ឋាន សាងសង់ផ្លូវជាតិលេខ២ និងលេខ២២ នាព្រឹកថ្ងៃទី ១១ ខែកុម្ភៈម្សិលមិញ៕

ដោយ៖ សិលា