ខេត្តកំពង់ធំ៖ ​នៅវេលាម៉ោង៩ និង៤៥នាទីថ្ងៃទី៧ ខែមករា ឆ្នាំ២០១៦ លោក ញែម ឈុនលី អធិការក្រុងស្ទឹងសែន បានបញ្ជាអោយកម្លាំងនគរបាលប៉ុស្ដិ៍រួមជាមួយអាវុហត្ថក្រុងចុះបង្ក្រាបជនល្មើស លក់ចែកចាយគ្រឿងញៀន ម្នាក់នៅផ្ទះសំណាក់ វិសាលសុខ​ បន្ទប់លេខ​២០៨  ភូមិទី១ សង្កាត់កំពង់ធំ ក្រុងស្តឹងសែន ខេត្តកំពង់ធំ ​។

ឃាត់ខ្លួនជនល្មើសម្នាក់ឈ្មោះ ហ៊ុយ គឹម ហួរ​ ភេទប្រុស អាយុ ២៨ឆ្នាំ រស់នៅភូមិ ដូង​ ឃុំ បល្ល័ង្គ  ស្រុកបារាយណ៍  ខេត្តកំពង់ធំ និងដកហូតយក វត្ថុតាង​ ថ្នាំញៀនប្រភេទមេតំហ្វេតាមីនចំនួន ៣កញ្ចប់តូច​ ថងច្រកថ្នាំចំនួន១១២ថង់ កន្រ្ដៃ១ ទូរស័ព្ទចំនួន៤គ្រឿង បំពង់ច្រកថ្នាំចំនួន១ ។

ក្រោយពីធ្វើការឃាត់ខ្លួនបានបញ្ចូនមកអធិការដ្ឋានក្រុងស្ទឹងសែន ដើម្បីកសាងសំណុំរឿងបញ្ចូនទៅស្នងការខេត្តកំពង់ធំ​ចាតការបន្ដតាមច្បាប់ ៕

ដោយ៖ ប៊ុន រិទ្ធី