ខេត្តកំពង់ស្ពឺ៖ លោក វណ្ណ មករា តារាចំរៀងបានស្លាប់កាលពីវេលាម៉ោងទៀបភ្លឺថ្ងៃទី១០ ខែមករា ឆ្នាំ២០១៦ នៅលើកំណាត់ផ្លូវជាតិលេខ៤ម្តុំជ្រោះពេជ្រនិល ស្ថិតក្នុងស្រុកភ្នំស្រួច ខេត្តកំពង់ស្ពឺដោយសារឧប្បត្តិហេតុគ្រោះថ្នាក់ចរាចរណ៍ក្រឡាប់រថយន្ត។
សាកសពតារាចំរៀងរូបនេះត្រូវដឹកយកមកតម្កល់ធ្វើបុណ្យតាមប្រពៃណីនៅវត្តទួលទំពូង ស្ថិតក្នុងសង្កាត់ទួលទំពូង ខណ្ឌចំការមន រាជធានីភ្នំពេញ ។
ដំណឹងដ៏សោកសៅនេះត្រូវបានអាជីពអ្នកសិល្បករ និងអ្នកចំរៀងបានសម្តែងការសោកស្តាយចំពោះមិត្តរួមអាជីព ក៏ដូចជាការពេញនិយមទស្សនិកជនអ្នកស្លាប់ ក្នុងនោះយុវជនប្រាក់ វឌ្ឍនៈ ដែលជាតារាចំរៀងជាន់ថ្មីមួយរូបដែរនោះបានលើកឡើងយ៉ាងដូច្នេះថា មុននឹងមិត្តរួមអាជីពរបស់ខ្លួនបានស្លាប់ រូបគេបានថតមួយសន្លឹកចុងក្រោយជាមួយនឹង វណ្ណ មករា ជាសំឡាញ់ដ៏ស្និទ្ធស្នាល តែឥឡូវនេះ សំឡាញ់របស់គាត់បានចាកចោលពីគាត់ទៅហើយ ដោយគ្មានថ្ងៃត្រឡប់ និងសូមឧទ្ទិសវិញ្ញាណក្ខន្ធរបស់វណ្ណ មករា ទៅកាន់សុកតិភាព និងសូមជួបពួកយើងនៅក្រោយៗទៀត ៕
