ភ្នំពេញ: បុរសម្នាក់បើករថយន្តមា៉កឡុិចសុីស RX-350 មួយគ្រឿងរេចង្គូតជ្រុលទៅបុករនាំងដែកចែកទ្រូងផ្លូវបាក់អស់ចំនួន៥ផ្ទាំង រួចរថយន្តក្រឡាប់ផ្ងារជើង។ ហេតុកាលនេះកាលពីវេលាម៉ោង៥ព្រឹកព្រលឹមថ្ងៃទី១០ ខែមករា ឆ្នាំ២០១៦តាមបណ្ដោយមហាវិថីព្រះមុនីវង្សនៅចំណុចស្តុបបូកគោ ក្នុងសង្កាត់បឹងកេងកងទី៣ ខណ្ឌចំការមន រាជធានីភ្នំពេញ។
បើតាមប្រភពពត៍មានពីសាក្សីនៅកន្លែងកើតហេតុបានអោយដឹងថា នៅមុនពេលកើតហេតុគេបានឃើញបុរសម្នាក់បើករថយន្ដទំនើបពីរគ្រឿងហើយបានបើកប្រជែញគ្នា ក្នុងល្បឿនយ៉ាងលឿនតាមបណ្ដោយផ្លូវ ព្រះមុនីវង្ស ក៏ស្រាប់តែមកដល់ចំណុចកើតហេតុខាងលើរថយន្តមា៉កឡុិចសុីស RX-350 មួយគ្រឿងអត់ពាក់ស្លាកលេខបានរេចង្កូតទៅបុករនាំងដែកចែកទ្រូងផ្លូវបណ្តាលឲ្យបាក់អស់ចំនួន៦ផ្ទាំងចំណែករថយន្តបង្កបានហោះទៅក្រឡាប់ផ្ងារជើង រងការខូចខាតយា៉ងដំណំ តែមិនបណ្តាលឲ្យអ្នកបើកបររងរបួសនោះទេ។ ក្រោយពេលកើតហេតុម្ចាស់រថយន្តបង្កបានគេចខ្លួនបាត់ស្រមោល ដោយបន្សល់ទុករថយន្តឲ្យសមត្ថកិច្ចធ្វើការវាស់វែងស្ទួចយកទៅរក្សាទុកនៅការិយាល័យចរាចរណ៍រាជធានីភ្នំពេញ ដើម្បីរងចាំដោះស្រាយតាមផ្លូវច្បាប់។
Sent from my iPhone
