ប្រទេសអុីតាលី៖ ក្នុងរយៈពេល២៤ម៉ោង អ៊ីតាលីមានអ្នកស្លាប់ដោយកូវីដ-១៩ មានរហូតដល់ទៅ៧៩៣ ជាចំនួនយ៉ាងច្រើនបំផុត មិនធា្លប់មាន ។ ចំនែកអ្នកស្លាប់សរុបកើនដល់ទៅ៤៨២៥នាក់ក្នុងរយៈពេលមួយថ្ងៃ។ នេះជាសោកនាដកម្មរបស់អ៊ីតាលី មិនដែលកើតមានពីមុនមកឡើយ។ ចំណែកអ្នកឆ្លងវិញ មានដល់ទៅ៦៥៥៧នាក់ ក្នុងមួយថ្ងៃធ្វើឲ្យអ្នកឆ្លងសរុបកើនឡើងជាងជិត៥៤ពាន់នាក់ហើយ។
ដោយឡែកនៅក្នុងប្រទេសបារាំងវិញ សារព័ត៌មានបារាំង france24 បានផ្សាយថា ជនរងគ្រោះបាត់បង់ជីវិតដោយសារ កូរ៉ូណាវីរុស ឬកូវីដ ១៩ មានចំនួន១១២នាក់ ក្នុងមួយថ្ងៃ ធ្វើឲ្យប្រទេសនេះកើនឡើងករណីស្លាប់ដោយជំងឺនេះ ចំនួន៥៦២នាក់ ។
សេចក្តីថ្លែងការរបស់ក្រសួងសុខាភិបាលប្រទេសបារាំងបានបញ្ជាក់ទៀតថា ចំណែកអ្នកឆ្លងវិញ បានកើនឡើង ១៤ ៤៥៩នាក់ ។
ប្រភពបន្តថា អ្នកផ្ទុកជំងឺចំនួន១ ៥២៥ មានសភាពធ្ងន់ធ្ងរ ក្នុងចំណោមអ្នកផ្ទុកវីរុសសរុប ៦ ១៧២នាក់ ដែលបាននិងកំពុងស្ថិតនៅមន្ទីរពេទ្យ ។ ពាក់កណ្តាលអ្នកជំងឺ ក្នុងករណីធ្ងន់ធ្ងរ មានអាយុក្រោម៦០ឆ្នាំ ។
គួរបញ្ជាក់ថា ការកើនឡើងអ្នកជំងឺបាត់បង់ជីវិត និងឆ្លងនេះ ខណៈដែលរដ្ឋាភិបាលបារាំងបានប្រកាសបិទប្រទេសជាស្ថាពរចូលដល់ថ្ងៃទី៥ហើយ ៗប៉ូលិស ទាហានប្រមាណ ១០០ ០០០ នាក់ប្រតិបត្តិការបំពេញភារកិច្ចមួយនេះ ហាមឃាត់ការធ្វើដំណើរ ឬចរាចរណ៍ទាំងអស់ ហើយដែលជាវិធានការថ្មីនោះ ។ ប្រជាជនមិនអនុញ្ញាតឲ្យចាកចេញពីលំនៅឋានឡើយ លើកលែងករណីពិសេស ដូចជាត្រូវទៅធ្វើការ, ទិញឥវ៉ាន់ចាំបាច់ និងចេញទៅព្យាបាលជំងឺ ។ បច្ចុប្បន្ននៅលើពិភពលោកមានអ្នកឆ្លងកើនឡើងសរុប ២៩៧ ០៩០នាក់ បាត់បង់ជីវិត កើន១២ ៧៥៥នាក់ ៕
ដោយ៖ មែវ សាធី
