ក្រោយការប្រកាសសាកល្បងគ្រាប់បែកបរមាណូប្រកបដោយជោគជ័យ បង្ករការព្រួយបារម្ភយ៉ាងខ្លាំងដល់ពិភពលោកទំាងមូល ហើយបានជម្រុញឲ្យលោកគីមជុងអ៊ុនបញ្ចប់ជាបន្ទាន់នៅកម្មវិធីបរមាណូរបស់ខ្លួន។ ប៉ុន្តែបេក្ខភាពប្រធានាធិបតីអាមេរិកលោកដូណាលត្រំាបានស្ងើចសរសើរលោកគីមជុងអ៊ុនថាជាបុគ្គលមានសមត្ថភាព។ នេះជាលើកទីមួយហើយដែលបេក្ខភាពប្រធានាធិបតីអាមេរិកសរសើរពីចិត្តក្លាហានរបស់មេដឹកនាំកូរ៉េខាងជើង។
នៅក្នុងសន្និសីទកាសែតកាលពីថ្ងៃទី១០ខែមករា បេក្ខភាពប្រធានាធិបតីអាមេរិកមកពីគណបក្សសាធារណរដ្ឋលោកដូណាលត្រាំងបានបញ្ជាក់ថា លោកគោរពដល់ការសម្រេចចិត្តមិនមានការស្ទាក់ស្ទើរក្នុងនាមជាមេដឹកនាំមួយរូបសម្រាប់ទប់ទល់និងសត្រូវរបស់ខ្លួន។ គីមជុងអ៊ុន ពិតជាមេដឹកនាំដ៏ពិតប្រាកដ។
លោកដូណាលត្រាំងបញ្ជាក់ទៀតថា កម្លាំងរបស់លោកគីមជុងអ៊ុនពេលដែលសម្រេចអ្វីមួយគឺជារឿងដ៏លំបាកដោយសារតែលោកនៅក្មេង ដូចជាការសម្លាប់មេទ័ពជាន់ខ្ពស់ ក្នុងនោះមានទាំងឪពុកមារបស់លោកផងដែរ។
ពលរដ្ឋកូរ៉េខាងត្បូងមានទំនុកចិត្តលើមេដឹកនាំគីមជុងអ៊ុន មានមនុស្សវ័យក្មេងប៉ុន្មាននាក់ ដែលឡើងកាន់អំណាចដឹកនាំប្រទេសមួយពេលមានអាយុទើបតែ២៥ឆ្នាំ ហើយត្រូវប្រឈមមុខជាមួយនិងមេទ័ពដែលមានអំណាចជាច្រើនរូប។ ប្រសិនបើលោកគីមជុងអ៊ុនគ្មានភាពរឹងមាំនោះលោកប្រាកដជាស្ថិតនៅក្រោមអំណាចរបស់មន្ត្រីជាន់ខ្ពស់នៅកូរ៉េខាងជើងជាមិនខាន ដែលមានបទពិសោធន៍ដឹកនាំនយោបាយជាច្រើនទស្សវត្ស។ ពិតជាគម្រមានមេដឹកនាំវ័យក្មេងណាធ្វើបានដូចគីមជុងអ៊ុន។
សកម្មភាពរបស់មេដឹកនាំកូរ៉េខាងជើង គឺចង់បង្ហាញឲ្យសត្រូវបានដឹងច្បាស់ថាខ្លួនពិតជាមានគ្រាប់បែកបរមាណូសម្រាប់ការពារខ្លួន។ លោកដូណាលត្រាំងបញ្ជាក់ថា អាមេរិកមិនអាចលេងសើចជាមួយកូរ៉េខាងជើងបានឡើយ ប្រទេសនេះពិតជាមានមីស៊ីុលឆ្លងទ្វីបនិងគ្រាប់បែកបរមាណូ។
កាលពីខែសីហាឆ្នាំ២០១៥ លោកTrump ធ្លាប់បានហៅលោកគីមជុងអ៊ុនថាជាវរៈជន ក្រោយពេលដែលលោកគីមជុងអ៊ុន ហៅកូរ៉េខាងត្បូងបន្តរក្សាទីតាំងយោធានៅកូរ៉េខាងត្បូងបន្តទៀត៕
