ប្រទេសអេស្ប៉ាញ៖ តាមប្រភពពី NHK World បានបញ្ជាក់អោយដឹងថា៖ នៅអេស្ប៉ាញមានករណីឆ្លងវីរុសCOVID-១៩ ច្រើនជាងគេលំដាប់ទី ២ បន្ទាប់ពីសហរដ្ឋអាមេរិក និងលើសប្រទេសអ៊ីតាលី។ រដ្ឋាភិបាលអេស្ប៉ាញបានប្រកាស កាលពីម្សិលមិញនេះថា៖ តួលេខអ្នកឆ្លងវ៉ីរុសបានកើនឡើងដល់ ៧.០២៦ គិតចាប់ពីថ្ងៃសុក្រដែលបាននាំមកនូវចំនួនសរុប ១២៤.៧៣៦ករណី ។ អ្នកស្លាប់ក៏បានកើនពី ៨០៩ នាក់នាំអោយចំនួនសរុបកើនដល់ ១១.៧៤៤ នាក់ ដែលនេះជាអត្រាខ្ពស់បំផុតទី ២ បន្ទាប់ពីប្រទេសអ៊ីតាលី។
ប្រទេស ដែនដី ជុំវិញលើពិភពលោក រកមិនទាន់ឃើញនូវ វ៉ាក់សាំងព្យាបាល ដូច្នេះតម្រូវអោយប្រជាជននៅក្នុងផ្ទះ សម្អាតអនាម័យ ប្រើអាកុល សំភារៈ បរិក្ខាតាមវេជ្ជបញ្ជពីគ្រូពេទ្យ៕

ដោយ៖ សិលា