ភ្នំពេញ៖ យុវជនម្នាក់ត្រូវបានប៉ូលិសប៉ុស្តិ៍ឬស្សីកែវស្រាវជ្រាវឃាត់ខ្លួនបានកាលពីម៉ោងជាង១២ថ្ងៃទី១៣ ខែមករា ឆ្នាំ២០១៦ នៅក្នុងបរិវេណវត្តឧត្តរាវដ្តីស្ថិតនៅភូមិមិត្តភាព សង្កាត់ឬស្សីកែវ ខណ្ឌឬស្សីកែវ ក្រោយពេលជនសង្ស័យម្នាក់នេះវាយក្មេងសិស្សសាលាយកទូរសព្ទ័ដៃមួយគ្រឿងក្នុងបរិវេណវត្តឧត្តរាវដ្តីកាលពីថ្ងៃទី៩ ខែមករា ឆ្នាំ២០១៦កន្លងទៅនេះ។
សមត្ថកិច្ចនគរបាលមូលដ្ឋានបានឲ្យដឹងថា ជនសង្ស័យដែលឃាត់ខ្លួនខាងលើមានឈ្មោះ ពេជ ភ័ត្ត្រា អាយុ២០ឆ្នាំ មុខរបរនិងស្នាក់មិនពិតប្រាកដរូបគេមានស្រុកកំណើតនៅស្រុកស្រីសន្ធរ ខេត្តកំពង់ចាម ។ ចំណែកក្មេងរងគ្រោះដែលត្រូវជនសង្ស័យវាយយកទូរសព្ទ័ដៃមួយគ្រឿងម៉ាកសាំសុងណូតធូរនៅក្នុងបរិវេណវត្តឧត្តរាវតីកាលពីថ្ងៃទី៩ខែមករានេះ មានឈ្មោះ ថោ វុទ្ធីភេទប្រុស អាយុ១៤ឆ្នាំ មុខរបរសិស្សស្នាក់នៅផ្ទះលេខ794ផ្លូវបេតុងក្រុមទី8ភូមិមិត្តភាពសង្កាត់ឬស្សីកែវខណ្ឌឬស្សីកែវ។
បច្ចុប្បន្នជនសង្ស័យកំពុងឃាត់ខ្លួនបណ្តោះអាសន្ននៅអធិការដ្ឋាននគរបាលខណ្ឌឬស្សីកែវ ដើម្បីសាកសួរ និងកសាងសំណុំរឿងបញ្ជូនទៅសាលាដំបូងរាជធានីភ្នំពេញចាត់ការបន្តតាមនីតិវិធី ៕
ដោយ៖ ជ្រោយពេជ្រ
