ភ្នំពេញ៖ អ្នកប្រដាល់៤នាក់ទៀត ត្រូវឡើងប្រកួតវគ្គជម្រុះជុំទី១ក្នុងកម្ម វិធីកំពូលជើងឯកទីហ្វីស៊ុបភើហ្វាយរដូវកាលទី២ក្នុងចំណោមកីឡាករ៣២នាក់ នាល្ងាចថ្ងៃអាទិត្យ ទី១៧ ខែមករា ឆ្នាំ ២០១៦ នៅសង្វៀនទូរទស្សន៍ប៉ុស្ដិ៍លេខ៥។
អ្នកប្រដាល់ទាំង៤នាក់ខាងលើរួម មានកីឡាករ ចាន់ គង់រាជ មកពីក្លិប តាព្រហ្មមានជ័យត្រូវប្រកួតជាមួយ កីឡាករ ខន សុខុន មកពីក្លិបរាជសីហ៍ ខេត្ដរតនគីរី រីឯកីឡាករ ឆាយ ម៉េត មក ពីក្លិបសំរោងកោងកីឡាខេត្ដបាត់ដំបង ត្រូវប្រកួតជាមួយ ឈឹម សារុន មកពី ក្លិបកងពលតូចលេខ៣១ដើម្បីស្វែងរក កៅអីជុំទី២វគ្គ១៦នាក់បន្ដទៀត ។
ជំនួបប្រកួតរវាងកីឡាករ ចាន់ គង់រាជ នឹង ខន សុខុន ពួកគេមិនធ្លាប់ជួបប្រកួត គ្នាទេនាពេលកន្លងទៅ ប៉ុន្ដែតាមប្រវត្ដិ ប្រកួតរបស់ពួកគេចុងក្រោយបានបង្ហាញ ឱ្យដឹងថា ចាន់ គង់រាជ បានវាយស្មើពិន្ទុ ជាមួយកីឡាករ ជុន សាវុធ* មកពីក្លិប ពោធិ៍ជ័យកីឡា រីឯ ខន សុខុន វាយចាញ់ ពិន្ទុកីឡាករ គង់ ហ៊ូវ មកពីក្លិបកងធំអន្ដ រាគមន៍លេខ២ ។
ទោះបីយ៉ាងនេះក្ដីក៏គ្មានអ្នកគាំទ្រ ណាម្នាក់ហ៊ានអះអាងថា កៅអីវគ្គ១៦ នាក់បន្ដបានទៅលើកីឡាករ ចាន់ គង់រាជ ឬក៏ ខន សុខុន នោះដែរ ពីព្រោះការ ប្រកួតនេះមានរយៈពេលតែ៣ទឹកដោយតម្រូវឱ្យអ្នកប្រដាល់ទាំង២រូបប្រកួតឱ្យអស់ពីសមត្ថភាពចាប់ពីវិនាទីដំបូង រហូតដល់ចប់ទឹកតែម្ដង ។
ដោយឡែកជំនួបប្រកួតដំបូងរវាង កីឡាករ ឆាយ ម៉េត នឹង យឹម សារុន ក៏ មិនខុសពីកីឡាករ២នាក់ខាងលើដែរ ។ ប៉ុន្ដែ ឆាយ ម៉េត និង យឹម សារុន ធ្លាប់ ចូលរួមប្រកួតកម្មវិធីទីហ្វីរដូវកាលទី១ ម្ដងរួចទៅហើយ តែឆ្លងមិនផុតវគ្គជម្រុះ ដំណាក់កាលទី១ដូចគ្នា ។ ឆាយ ម៉េត ប្រកួតចុងក្រោយវាយឈ្នះកីឡាករ អាន សុផល មកពីក្លិបសុភានូមានជ័យដោយ ពិន្ទុ រីឯកីឡាករ យឹម សារុន វាយឈ្នះ កីឡាករ ហុង ឆាយ មកពីក្លិបពន្លឺសាម គ្គីដោយពិន្ទុ ៕
ដោយ៖ សារីម
