ក្លិបសេះបង្កង់ Juventus មានផែនការដ៏សំងាត់មួយហើយក្នុងការនាំយកកីឡាករខ្សែប្រយុទ្ធសញ្ជាតិអង់គ្លេស Harry Kaneមកកាន់ទឹកដីអ៊ីតាលីទោះបីជាត្រូវចំណាយលុយច្រើនក្តីដើម្បីដោះស្រាយបញ្ហាចំពោះមុខ មួយនេះ។ នេះបើយោងតាមកាសែតអង់គ្លេសThe Sun sports ។

ការចង់បានកីឡាករសញ្ជាតិអង់គ្លេសរូបនេះ ខណៈដែលកីឡាករ ខ្សែប្រយុទ្ធជួរមុខ របស់ក្លឹបបច្ចុប្បន្នគឺGonzalo Higuian មានវ័យ៣៣ឆ្នាំនិង Cristiano Ronaldo ដែលមានអាយុ៣៥ឆ្នាំទៅហើយក្តីប៉ុន្តែJuventus ហាក់ដូចជាមិនទាន់បានត្រៀមកីឡាករជំនួសតំណែងនេះ នៅឡើយគឺនៅសល់តែខ្សែប្រយុទ្ធស្លាបនិងបម្រើប៉ុណ្ណោះ។

សប្តាហ៍ក្រោយកីឡាករទាំងអស់របស់ក្លិប Juventus នឹងត្រូវធ្វើដំណើរត្រឡប់ មកក្លិបវិញហើយរក្សាខ្លួននៅទីនេះ១៤ថ្ងៃដើម្បីធានា ដល់ការហ្វឹកហាត់របស់ពួកគេឡើងវិញក្នុងពេលឆាប់ៗ។ ប្រសិនបើក្លិបសេះបង្កង់ទិញកីឡាករ Kane នឹងអាចចាប់ដៃគួគ្នាជាមួយនឹង Cristiano Ronaldo ដែលជាក្តីសុបិន្តរបស់អ្នកគាំទ្របាល់ទាត់ ជាច្រើនលើលោក ៕

ដោយ៖ ភិរក្ស