ភ្នំពេញ ៖ សង្កាត់វាលវង់ជាសង្កាត់មួយក្នុង ចំណោមសង្កាត់ទាំង៨ ក្នុងខណ្ឌ៧មករារាជធានីភ្នំពេញនាពេលបច្ចុប្បន្នកំពុងតែពោពេញទៅដោយបទល្មើសជាច្រើនកើតឡើង តែពុំដែលឃើញគណបញ្ជាការឯកភាព សង្កាត់មួយនេះយកចិត្តទុកដាក់ទប់ស្កាត់ ឬបង្ក្រាប់នោះទេ បែរជាទុកអោយបទល្មើសទាំងនោះ ដំណើរការយ៉ាងរលូនទៅវិញ ដោយគេដាក់ការសង្ស័យថា ប្រហែលជាគណបញ្ជាការឯកភាពសង្កាត់មួយនេះទទួលបានលាភសក្ការៈ ពីបទល្មើសទាំនោះហើយមើលទៅ។
តាមសេចក្តីរាយការណ៍មួយបានបញ្ជាក់យ៉ាងច្បាស់ ពីបទល្មើសដែរកំពុងកើតឡើង ក្នុងសង្កាត់វាលវង់មានដូចទីតាំងល្បែងស៊ីសងភ្នាល់បាល់តាមប្រព័ន្ធអ៊ីនធើណេត កត់ឆ្នោតវៀតណាម ទីផ្សារលក់ម៉ូតូអត់ពន្ធ ភាពអសណ្តាប់ធ្នាប់តាមដងផ្លូវ មិនតែប៉ុណ្ណោះកន្លែងរកស៊ីផ្លូវភេទក៍មានដែលនៅពេលរាត្រី។
សេចក្តីរាយការណ៍ដដែលបានបញ្ជាក់ទៀតថា ទីតាំងល្បែងស៊ីសងភ្នាល់បាលតាមប្រព័ន្ធអ៊ីនធើណេត យ៉ាងហោចណាស់ក៏មាន៥ទីតាំងដែរ ។ ដោយ២ទីតាំង ស្ថិតនៅតាមបណ្តោយផ្លូវលេខ២១៥ មានយីហោដូចជា78 Net និង66 Net ១ទីតាំងទៀត ស្ថិតនៅតាមបណ្តោយផ្លូវ១ ១៦៤កែង នឹងផ្លូវលេខ១៣៩មានយីហោ CH Net ២កន្លែងទៀតគឺនៅតាមផ្លូវ១០៩ មានយីហោ66 Net និងlucky Net ។
ចំណែកឯកន្លែងកត់ឆ្នោតវិញកំពុងរីកដូចផ្សិតក្នុងប្លុកបុរីកីឡា ។ រីឯទីផ្សារលក់ដូរម៉ូតូអត់ពន្ធវិញយ៉ាងអនាធិបតេយ្យក្នុងស្តង់បុរីកីឡាថ្មី ហើយផ្លូវថ្នល់មួយចំនួនត្រូវបានអោយឈ្មួញ ឬអាជីវករយកមកប្រកបអាជីវកម្មបង្ករអោយមានបញ្ហាកក់ស្ទះចរាចរណ៍ស្ទើរតែរៀងរាល់ថ្ងៃដូចជាផ្លូវកំណាត់ផ្លូវ១៦៤ត្រូវផ្សារសេរីភាព ជាពិសេសទៀតនោះសូម្បីតែនៅចំពីមុខស្នាក់ការសង្កាត់វាលវង់ផ្នាល់តែម្តងក៍មានសភាពកកស្ទះរាលថ្ងៃដែលព្រោះនៅមុខនោះបានក្លាយទៅជាចំណតឡាន ម៉ូតូរបស់ហាងបាយឯកជននិងនៅមានតាមបណ្តោយផ្លូវមួយចំនួនទៀត។
បើនិយាយពីពេលរាត្រីវិញចាប់ពីវាលាម៉ោង១០យប់ទៅនៅត្រង់ចំណុចហ្គារ៉ាសប្រេងឥន្ទនៈតេលា អាងទឹកអូរឡាំពេកគីមានស្ត្រីរកស៊ីផ្លូវភេទជាច្រើនបានប្រមូលផ្តុំគ្នាបកដៃស្រែកហៅម៉ូយយ៉ាងអនាធិបតេយ្យ មិនតែប៉ុណ្ណោះទីតាំងខាងលើនេះក៍ធ្លាប់មានករណីផ្ទុះអាវុធទៀតផងនាពេលកន្លងមកដោយតែរឿងដង្តើមម៉ូយគ្នាដាក់អោយស្រីធ្វើអោយមានមនុស្សរងរបួសទៀតផង។
ទាំងនេះគឺជាបទល្មើសដែលកំពុងតែដំណើរយ៉ាងរលូនក្នុងទឹកដីនៃសង្កាត់វាលវង ខណ្ឌ៧មករា រាជធានីភ្នំពេញ ដែលគណៈបញ្ជាការឯកភាពសង្កាត់មួយនេះ អសមត្ថភាពក្នុងការទប់ស្កាត់ និងបង្ក្រាប់ដើម្បីធ្វើការឆ្លើយតមទៅនិងគោលនយោបាយភូមិ-សង្កាត់ មានសុវត្តិភាពរបស់រដ្ឋាធាភិបាលនោះឡើយ ៕ ស សម
