ភ្នំពេញ៖ ប្រធានសមាគមសិល្បករខ្មែរនិងជាតារាចម្រៀងល្បីឈ្មោះយូរឆ្នាំលោក សុះ ម៉ាច បានសម្តែងនូវក្តីអាណិតអាសូរជាពន់ពេក គ្រាដែលលោកបានពាំនាំជំនួយមួយចំនួនជាមួយសិល្បករ និងម្ចាស់ផលិតកម្មទៅលើកុមារកំព្រាក្រីក្រមានផ្ទុកមេរោគអេសដ៍ជាច្រើនឆ្នាំត្រូវរស់នៅទាំងលំបាកនៅអង្ការមួយ ។ ក្រោមការមេត្តាលោកបានសន្យាថា នឹងខិតខំជួយអស់ពីលទ្ឋភាពតាមតម្រូវការ ពិសេសឲ្យតែមានឱកាសទៅសម្តែងនៅក្រៅប្រទេស ។
ការបញ្ជាក់នេះ ត្រូវបានធ្វើឡើងកាលពីថ្ងៃទី១៥ មករា ឆ្នាំ២០១៦ នាឱកាសចុះចែកអំណោយជាមួយសិល្បករម្ចាស់បៀហ្គាឌិននិងសប្បុរជននៅឯក្រៅប្រទេស។ការរៀបចំនេះធ្វើឡើងក្នុងទីតាំងរបស់អង្គការកុមារកំព្រាឈូករត្ន័ស្ថិតនៅជិតវត្តគិកខ្សាច់ខណ្ឌដង្កោររាជធានីភ្នំពេញ។
លោកសុះម៉ាចដែលជាប្រធានសមាគមសិល្បករខ្មែរបានដឹកនាំគណប្រតិភូចុះចូលរួមចែកអំណោយដល់ប្អូនៗកុមារកំព្រាបានថ្លែងនូវអារម្មណ៍អាណិតចំពោះក្មួយៗទាំងនោះថាលោកបាននាំសប្បរជនមកចូលរួមសួរសុខទុក្ខក្មួយៗប្អូនៗនៅអង្គការកុមារកព្រាឈូករត្ន័។
លោកបានសន្យាថាគ្រាដែលមកសម្តែងនៅអាមេរិកនឹងនាំយកនូវអំណោយជួយក្មួយៗចាំបាច់បំផុត។ប៉ុន្តែកាលពីឆ្នាំ២០០៩ពេលមករកពួកគាត់ក៍បាត់ដំណឹងឈឹងហើយទីតាំងចាស់នៅផ្លូវវ៉េងស្រេងក៍ដូរធ្វើឲ្យបាត់ការទាក់ទងមិនដឹងជាប្អូនៗទៅដល់ណា។ ប៉ុន្តែថ្មីៗនេះមានដំណឹងពីមិត្តភក្តិគាត់ប្រាប់ក៍ភ្ញាក់ផ្អើលហើយត្រូវតែប្រញាប់រួសរាន់ចុះយកអំណោយជាមួយសប្បុរសជនមកកាន់ទីតាំងប្អូនៗជាសំខាន់មិនទុកយូរនោះទេព្រោះសន្យារបស់លោកត្រូវតែបំពេញឲ្យបាន។
លោកបន្ថែមថាអំណោយដែលបាននោះមានការចូលរួមពីឧកញ៉ាសេង សុភ័ក្រ ម្ចាស់ភោជនីយដ្ឋាឃីងដ្រាហ្គែនលោកសុធី តន្ត្រីករមកពីអូស្ត្រាលីលោកជា សំអាត លោកស្រីថុង ស៊ីវទៀងម្ចាស់ផលិតកម្មចក្រវាឡពេជ្រភាពយន្តនិងអំណោយរូបលោកជាមួយភរិយាផងដែរ។ អំណោយដែលពាំនាំមកមានអង្ករ៣បាវ ទឹកក្រូច ត្រីខនិងកាបូបចំនួន១២ ប៊ិច សៀវភៅនិងថវិកា២០០ដុល្លារនិងប្រាក់រៀល៥០ម៉ឺនរៀល។
លោកសម្គាល់ទៀតកុមារកំព្រាទាំងនេះផ្ទុកដោយជំងឺកាចសាហាវតស៊ូជីវិតណាស់ព្រោះថាកាលពីលោកជួបគ្រាដំបូងមានចំនួនជាង២០រូបតែពេលនេះនៅសល់តែ១២រូបដោយក្តុកក្តួលចិត្តព្រោះបាត់វត្តមានពួកគេមិនដឹងថាខ្លះបាត់បង់ជីវិតឬយ៉ាងណាឬក៍ចាកចេញពីមណ្ឌលឬទេ?។
ក្នុងនាមលោកជាសិល្បករនិងសប្បរជនសូមផ្តាំផ្ញើដល់ប្អូនៗត្រូវចេះគោរពវិន័យអង្គរាខិតខំរៀនត្រូវតស៊ូកុំអស់សង្ឃឹមក្នុងជីវិតទទួលទានថ្នាំឲ្យបានទៀងទាត់ញាំឲ្យគ្រប់គ្រាន់ហាត់កីឡាហើយជៀសផុតពីការលូងលោមពីជនអគតិទៅសេបគ្រឿងញៀនផងដែរ។
ទោះជាយ៉ាងណាឲ្យតែលោកមានឱកាសទៅសម្តែងនៅក្រៅប្រទេសលោកនឹងអំពាវនាវដល់បងប្អូននៅក្រៅប្រទេសជួយផ្តល់សម្ភារៈថវិកាផ្សេងៗដល់ប្អូនៗជាបន្តទៀតហើយលោកនឹងកាត់ប្រាក់ដែលរកបានជួយដល់ក្មួយៗផងដែរមិនឲ្យក្មួយៗលំបាកនោះទេទោះជាប្រាក់មានកម្រិតតិចតួចតែនេះជាទឹកចិត្តរួបរួមគ្នា។
លោកសុធីជាម្ចាស់ភោជនីយដ្ឋានឃីងដ្រាហ្គនដែលមានទីតាំងផ្លូវសែនសុខបានបង្ហាញនូវចំណាប់អារម្មណ៍ថាលោកបានយកនូវអំណោយមួយចំនួនជួយដល់ប្អូនៗព្រោះថាពួកគាត់តស៊ូរស់នៅទាំងមានផ្ទុកមេរោគអេដស៍ដើម្បីឲ្យពួកគាត់មានទឹកចិត្តរស់នៅជាបន្តទៀតគ្រាដែលពួកគាត់រងសម្ពាធផ្លូវចិត្ត។លោកសូមអរគុណដល់សប្បុរជនមួយចំនួនទាំងក្នុងនិងក្រៅស្រុកបានជួយគិតគូដល់ប្អូនៗនៅអង្គការនេះ។
លោកបន្តថានាពេលខាងមុខនេះលោកនឹងមានកម្មវិធីការប្រគំតន្ត្រីសប្បុរធម៌ជួយសមាគមសិល្បករឲ្យកាន់តែមានភាពផុសផុលឡើងៗដើម្បីប្រមូលថវិកាជួយដល់បញ្ហាផ្សេងៗដែលសមាគមសិល្បករនៅតែមានគម្រោងគិតគូដែលមានលោកសុះ ម៉ាចជាប្រធាន។
លោកស្រីថុង ស៊ីវទៀងដែលជាម្ចាស់ផលិតកម្មចក្រវាឡពេជ្រភាពយន្តបានមានប្រសាសន៍ដែរថាយើងពិតជាតក់ស្លុតពេលដឹងថាក្មួយៗគាត់ផ្ទុករោគហ៊ីវហើយខំតស៊ូរៀនដើម្បីអនាគតបើទោះជាលំបាកបែបណាក្នុងន័យប្រឆាំងនិងទុក្ខលំបាក។ការជួយពីសម្បុរជននាពេលនេះពិតជាអាចសម្រាលបានទុក្ខលំបាកមួយកម្រិតហើយក៍សូមអំពាវនាវដល់សិល្បករក៍ដូចជាមជ្ឈដ្ឋានមហាជនទាំងអស់មេត្តាជួយតាមសទ្ឋារៀងខ្លួនចំពោះអង្គការខាងលើនេះដែលជួយគិតគូសង្គ្រោះកុមារទាំងនេះទាំងលំបាក៕
ដោយ៖ វឌ្ឍនា
