រថយន្តក្រុងមួយគ្រឿងបានដឹកអ្នកដំណើរទៅកាន់តំបន់រមណីយដ្ឋាននៅភាគកណ្តាលប្រទេសជប៉ុនបានជ្រុលចង្កូតធ្លាក់ពីផ្លូវនៅក្នុងតំបន់ភ្នំបណ្តាលឲ្យស្លាប់មនុស្សយ៉ាងតិច១៤នាក់ និង២៧នាក់ផ្សេងទៀតរងរបួសធ្ងន់ ស្រាល ។
រថយន្តក្រុងនេះបានដឹកអ្នកដំណើរ៤១នាក់ចាកចេញពីទីក្រុងតូក្យូទាំងយប់អធ្រាត្រឆ្ពោះទៅកាន់រមណីយដ្ឋាន ទេសចរណ៍មួយកន្លែងស្ថិតនៅក្នុងតំបន់ Nagano ។
ហេតុការណ៍គ្រោះថ្នាក់បានកើតឡើងស្ថិតនៅជិតទីប្រជុំជន Karuizawa កាលពីព្រឹកព្រលឹមថ្ងៃទី១៥ ខែមករា ឆ្នាំ២០១៦ ។ គេនៅមិនទាន់ដឹងពីមូលហេតុបណ្តាលឲ្យហេតុការណ៍កើតឡើងនៅឡើយទេ ។ ក្នុងតំបន់ខាងលើនេះពុំមានការគំរាមកំហែងពីផ្សែងអ័ព្ទ ឬការធ្លាក់ទឹកកកនោះឡើយនៅលើដងផ្លូវនោះ ។ ក្រសួងដឹកសាធារណការ និងដឹកជញ្ជូនប្រទេសជប៉ុនបានបើកការស៊ើបអង្កេតករណីគ្រោះថ្នាក់នេះ ។
មនុស្ស២៧នាក់បានរងរបួស នៅពេលដែលរថយន្តក្រុងនោះបានបើកធ្លាក់ផ្លូវដែលមានជម្រៅរាប់ម៉ែត្រពីផ្លូវនោះ ។
កីឡាជិះស្គី និងកីឡាដទៃផ្សេងទៀតស្ថិតនៅក្នុងរដូវរងារ ជាការពេញនិយមបំផុតនៅក្នុងប្រទេសជប៉ុន ។ មនុស្សជាច្រើននាក់បាននាំគ្នាធ្វើដំណើរតាមរថយន្តក្រុងឆ្ពោះទៅកាន់តំបន់រមណីយដ្ឋានជ្រលងភ្នំដើម្បីចូលរួមការលេងកីឡាក្នុងរដូវរងារ ៕
ប្រែសម្រួល៖ ថាច់ យ៉ាត
