ខេត្ដព្រះសីហនុ៖ បុរសម្នាក់បានរង របួសស្រាលម្នាក់រងរបួសធ្ងន់និងបុរស ម្នាក់ទៀតត្រូវបានសមត្ថកិច្ចចាប់ដាក់ ខ្នោះបន្ទាប់ពីមានជម្លោះហិង្សាមួយបានកើតឡើងកាលពីព្រឹកថ្ងៃទី១៦ ខែមករា ឆ្នាំ២០១៦ នៅចំណុចឆ្នេរកន្ទុយនាគ ស្ថិត នៅក្រុមទី១៤ ភូមិ៤ ស្ថិតនៅក្រុមទី១៤ ភូមិ៤ សង្កាត់៤ ក្រុង-ខេត្ដព្រះសីហនុ។
បុរសដែលត្រូវសមត្ថកិច្ចឃាត់ខ្លួន ឈ្មោះ ឡុច សាភាន អាយុ២២ឆ្នាំ រស់ នៅក្នុងក្រុម១៤ ភូមិ៤ សង្កាត់៤ ក្រុង ព្រះសីហនុ។ ចំណែកជនរងគ្រោះឈ្មោះ ដូង រី ភេទប្រុស អាយុ២១ឆ្នាំ ជាកម្មករ សំណង់និងម្នាក់ទៀតពុំស្គាល់ឈ្មោះ ។
ប្រភពព័ត៌មានបានឱ្យដឹងថា មុន ពេលកើតហេតុខណៈដែលឈ្មោះ ឡុច សាភាន និងដៃគូម្នាក់ទៀតកំពុងនាំគ្នា អង្គុយផឹកស៊ីនៅលើឆ្នេរកន្ទុយនាគស្រាប់ តែឈ្មោះ ដូង រី បានកាន់ញញួរដំដែក គោលមកវាយដៃគូរបស់ឈ្មោះ ឡុច សាភាន បណ្ដាលឱ្យរងរបួសស្រាល។ ពេលនោះឈ្មោះ ឡុច សាភាន ក៏បាន ទាញកាំបិតប៉័ងតោដែលនៅក្បែរខ្លួននោះ ទៅកាប់ឈ្មោះ ដូង រី ជាច្រើនកាំបិត បណ្ដាលឱ្យរងរបួសធ្ងន់ក៏បង្កការភ្ញាក ផ្អើលដល់សមត្ថកិច្ចមូលដ្ឋានមកឃាត់ខ្លួនគេតែម្ដង ។
ក្រោយពីត្រូវសមត្ថកិច្ចឃាត់ខ្លួន ឈ្មោះ ឡុច សាភាន បានប្រាប់ឱ្យដឹងថា មូលហេតុដែលឈានដល់ប្រើហិង្សាបែបនេះគឺដោយសារតែពួកគេធ្លាប់មានគំនុំពីមុនគ្រាដែលពួកគេនៅធ្វើជាកម្មករ សំណង់ជាមួយគ្នា ហើយនៅថ្ងៃកើត ហេតុដោយសារតែម្នាក់ៗស្រវឹងរៀងខ្លួន រួចបានប្រទះគ្នាទើបកើតមានហិង្សា បែបនេះទៅ ។
ក្រោយពីកើតហេតុអ្នករបួសត្រូវបានបញ្ជូនទៅសង្គ្រោះនៅមន្ទីរពេទ្យ។ ចំណែក ឈ្មោះ ឡុច សាភាន ត្រូវបានសមត្ថកិច្ច កសាងសំណុំរឿងបញ្ជូនខ្លួនទៅកាន់អធិ ការដ្ឋាននគរបាលក្រុងព្រះសីហនុដើម្បីចាត់ការបន្ដតាមនីតិវិធី ៕
ដោយ៖ ឆ្លាមសមុទ្រ
