ភ្នំពេញ៖ ជនសង្ស័យ៣នាក់ ត្រូវកម្លាំងកងរាជអាវុធហត្ថខណ្ឌដូនពេញឃាត់ខ្លួនបានភ្លាមៗ ខណះដែលពួកគេបំរុងធ្វើសកម្មភាពលួចកាច់.កម៉ូតូគេតែមិនបានម្រេចក៏ត្រូវកម្លាំងល្បាត្រទះឃើញនិងហៅសួរនាំទើបដឹងថាជាចោរ ។
ករណីឃាត់ខ្លួនជនសង្ស័យខាងលើនេះ បានធ្វើឡើងកាលពីវេលាម៉ោង១២ និង១៥នាទីរំលងអាធ្រាត្រឈានចូលថ្ងៃទី១៨ ខែមករា ឆ្នាំ២០១៦ ចំនុចចំណតឡានក្នុងផ្សារសុរិយាម៉ល សង្កាត់ផ្សារថ្មីទី៣ ខណ្ឌដូនពេញ ។
តាមប្រភពព័ត៍មានពីមន្រ្តីកងរាជអាវុធហត្ថខណ្ឌដូនពេញ បានឲ្យដឹងថាជនសង្ស័យទាំង៣នាក់នេះ ទី១.ឈ្មោះ មិន រស្មី ហៅខ្មៅ ភេទប្រុស អាយុ២៦ឆ្នាំ មុខរបរជាងធ្វើសោរ(ជាម្ចាស់សោកាច់ក) ទីលំនៅមិនពិតប្រាកដ ;ទី២.ឈ្មោ ផាន់ សំណាង ហៅកុក ភេទប្រុស អាយុ២៨ឆ្នាំ មុខរបរនិងទីលំនៅមិនពិតប្រាកដ ;ទី ៣.ឈ្មោះ យុាំង កាញ់ ភេទប្រុស អាយុ៣៦ឆ្នាំ មុខរបរនិងទីលំនៅមិនពិតប្រាកដ ។ វត្ថុតាងចាប់យកមាន- សោរសំរាប់កាច់កម៉ូតូចំនួន០១ឈុត- សោរម៉ូតូចំនួន០២។
ប្រភពដដែលបានបន្តទៀតថា នៅមុនពេលឃាត់ខ្លួនជនសង្ស័យទាំងអស់នេះ គឺកម្លាំងកំពុងតែជិះល្បាតការពារសុវត្តិភាពជូនប្រជាពលរដ្ឋក្នុងមូលដ្ឋាន ស្រាប់តែពេលកំពុងល្បាត សន្តិសុខយាមឡាននិងម៉ូតូក្នុងផ្សារសុរិយាម៉ល បានការរាយការមកកម្លាំងអាវុធហត្ថថា មានជនសង្ស័យ០៣នាក់ បានមកឈរហើយដើរឆ្វែលចុះឆ្វែលឡើងក្បែរកន្លែងផ្ញើរម៉ូតូ ដោយមានការសង្ស័យថាជនទាំងនោះជាមុខសញ្ញាមិនល្អក៏បានរាយការមកកំលាំងជំនាញយើងដើម្បីមកត្រួតពិនិត្យ ក្រោយការឆែកឆេរក៏បានរកឃើញសោរសំរាប់កាច់កម៉ូតូនៅនិងឈ្មោះ មិន រស្មី ហើយក៏ឃាត់ខ្លួនជនសង្ស័យទាំង០៣នាក់យកមក មូលដ្ឋានអហដូនពេញ តែម្តង។
បច្ចុប្បន្នជនសង្ស័យទាំង៣នាក់និងវត្ថុតាងត្រូវបានបញ្ជូនបន្តទៅទីញ្ជាការអាវុធហត្ថរាជធានីភ្នំពេញដើម្បីចាត់ការតាមនិតិវិធី ៕
ដោយ៖ ស ដារ៉ា
