ខេត្តប៉ៃលិន ៖ កាលពីថ្ងៃទី១១ ខែកក្កដា ឆ្នាំ២០១៥ វេលាម៉ោង ១២:១០ នាទីថ្ងៃត្រង់ ដោយក្រោមការ បញ្ជារផ្ទាល់ របស់លោក ជុំ សែនសុទ្ធា ព្រះ រាជអាជ្ញាអមសាលាដំបូងខេត្តប៉ៃលិន និង លោកឧត្តមសេនីយ៍ត្រី ជា ចាន់ឌិន ស្នងការនគរបាលខេត្តប៉ៃលិន បានចាត់អោយ លោកវរសេនីយ៍ឯក អ៊ីវ គឹមស៊ាន ស្នងការរងនិងជាប្រធានការិយាល័យកណ្តាលនគរបាលយុត្តិធម៍ និងលោកវរសេនីយ៍ឯក ស៊ុំ សុផល អនុប្រធានការិយាល័យកណ្តាលសណ្តាប់ធ្នាប់ ដើម្បីដឹកនាំកម្លាំងនគរបាលចំរុះធ្វើការចុះបង្រ្កាបល្បែងដាក់កាសភ្នាល់ប្រដាល់ចំនួន ០២កន្លែង ស្ថិតនៅក្នុងភូមិផ្សារព្រំ ឃុំស្ទឹងកាច់ សាលាក្រៅ ខេត្តប៉ៃលិន។ ករណីនេះកម្លាំងសមត្ថកិច្ចបានធ្វើការបង្ក្រាប និងឃាត់ខ្លួនជនសង្ស័យបានចំនួន ០៣នាក់÷ ១. ឈ្មោះ ស្រី សំអាត ភេទប្រុស អាយុ ៦៣ឆ្នាំ រួមនឹងវត្ថុតាងមានទូរស័ព្ធដៃ ម៉ាកម៉ិតហ្វូន និងម៉ាកណូគា ចំនួន ១៣៥ គ្រឿង និងទូរទស្សន៍ Pananic ចំនួន ០១គ្រឿង ២. ឈ្មោះ ទឹម វណ្ណា ភេទប្រុស អាយុ ១៨ឆ្នាំ ៣. ឈ្មោះ គឹម ហ៊ាង ភេទប្រុស អាយុ ៥២ឆ្នាំ រួមនឹងវត្ថុតាង មានទូរស័ព្ទដៃម៉ាកម៉ិតហ្វូន និងណូគាចំនួន ២៦៦គ្រឿង និងទូរទស្សន៍ Digital ចំនួន ០១គ្រឿង។ ជនសង្ស័យទាំងអស់ខាងលើ រស់នៅភូមិផ្សារព្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន បច្ចុប្បន្ននគរបាលជំនាញ ឃាត់ខ្លួនយកមកធ្វើការអប់រំសម្រួលដោយនិតិវិធី ងងឹត ហើយក៍ឲ្យជនផ្នាល់ម្បែងនោះវិល ត្រឡប់ទៅដោយស្រួល។ អត្តបទ ស សារ៉េត