ភ្នំពេញ៖ រថយន្តកុងតឺន័រមួយគ្រឿងបេីកបរខ្វះការប្រុងប្រយ័ត្នបានកៀរថយន្ត កាមរីហាយប្រ៊ីត បណ្ដាលឲ្យរងការខូចខាតផ្នែកខាងក្រោយចំហៀងខាងឆ្វេងតិចតួច។
ហេតុការណ៍នេះកេីតឡេីងនៅវេលាម៉ោង ០៩និង១០នាទីយប់ថ្ងៃទី១៨ ខែឧសភាឆ្នាំ២០២០ នៅតាមបណ្ដោយផ្លូវ ២១៧ ស្ថិតក្នុងសង្កាត់តំនប់ទឹក ខណ្ឌបឹងកេងកង រាជធានីភ្នំពេញ ។
តាមប្រភពពីកន្លែងកេីតហេតុ បានឲ្យដឹងថា នៅមុនពេលកេីតហេតុ គេបានឃេីញបុរសម្នាក់បេីករថយន្តកុងតឺន័រក្បាលពណ៍ខៀវ មួយគ្រឿង ពាក់ស្លាកលេខ កំពង់ចាម 3A-4151 ធ្វេីដំណេីរតាមបណ្ដោយផ្លូវ២៧១ ក្នុងទិសដៅពីត្បូងទៅជេីង ខណះមកដល់ចំណុចកេីតហេតុ ដោយខ្វះការប្រុងប្រយ័ត្ន ស្រាប់តែគៀទៅលេីរថយន្តម៉ាក កាមរី ហាយប្រ៊ីត មួយគ្រឿង ពណ៍ស ពាក់ស្លាកលេខ ភ្នំពេញ 2P-4293 ដែលបានធ្វេីដំណេីរស្របទិសគ្នា បណ្ដាលឲ្យរងការខូចខាតផ្នែកខាងក្រោយចំហៀងខាងធ្វេងតិចតួច ។
ក្រោយពេលកេីតហេតុ សមត្ថកិច្ចមូលដ្ឋាន បានចុះមកដល់ក៏បានជួយធ្វេីការសម្របសម្រួល ដោយភាគីខាងរថយន្តកុងតឺន័របានចេញសំណងចំនួន ៤០$ទៅឲ្យខាងភាគីរថយន្តកាមរីហាយព្រីត ដេីម្បី បញ្ចប់រឿង៕
ដោយ៖ ភារ៉ា ដង្កោ
