ភ្នំពេញ​៖ យុវជនម្នាក់ជិះម៉ូតូមួយគ្រឿង ម៉ាក ធូដេវ៉ារថយន្តហើយបានបត់ឆ្លងផ្លូវមិនប្រយ័ត្នត្រូវនារី២នាក់ជិះម៉ូតូម៉ាកនិចជ្រុលបុកបណ្តាលអោយរងរបួសធ្ងន់ស្រាលទាំងអស់គ្នា។

ហេតុការណ៍​នេះបានកើតឡើងកាលពីវេលាម៉ោង១១ និង៥០នាទីយប់ថ្ងៃទី១៨​ ខែមករា​ ឆ្នាំ​២០១៦​ នៅចំណុចមុខរោងកុនលុច្យ​ តាមបណ្តោយផ្លូវលេខ១៥៤​កែងផ្លូវនរោត្តម​ ស្ថិតក្នុងសង្កាត់ផ្សារកណ្តាលទី២​ ខណ្ឌដូនពេញ​។

តាមសាក្សីនៅកន្លែងកើតហេតុបានអោយដឹងថា នៅមុនពេលកើតហេតុគេបានឃើញយុវជនម្នាក់ជិះម៉ូតូម៉ាកធូដេមួយគ្រឿង​ ពណ៌​ខៀវ​ ពាក់ស្លាកលេខកណ្តាល1P-9735 ធ្វើដំណើរតាមបណ្តោយផ្លូវនរោត្តម​ ក្នុងទិសដៅពីត្បូងទៅជើងខណៈមកដល់ចំណុចកើតហេតុស្រាប់តែទាញចង្កូតបត់ឆ្វេងទាំងបំពានភ្លើងស្តុបក្រហមភ្លាមនោះស្រាប់តែមាននារី២នាក់ជិះម៉ូតូមួយគ្រឿងម៉ាកនិច ពណ៍ត្រួយចេក​ ពាក់ស្លាក លេខភ្នំពេញ1CQ 9788 ធ្វើដំណើរតាមបណ្តោយផ្លូវលេខ១៥៤​ ក្នុងទិសដៅពីកើតទៅលិចក៏ជ្រុលបុកគ្នាពេញទំហឹងបណ្តាលអោយដួលទៅនិងថ្នល់រងរបួសធ្ងន់និងស្រាលទាំងសងខាង។

ក្រោយពេលកើតហេតុម្ចាស់ម៉ូតូធូដេត្រូវបានរថយន្តសង្គ្រោះដឹកទៅមន្ទីរពេទ្យភាមៗចំណែកម៉ូតូទាំងសងខាងត្រូវបានសមត្ថកិច្ចធ្វើការវាស់វែងយកទៅរក្សាទុកនៅអធិការដ្ឋាននគរបាលខណ្ឌដូនពេញ ដើម្បីរងចាំដោះស្រាយនៅពេលក្រោយ៕

ដោយ៖ ព្រែកជ័យ