ខេត្តពោធិ៍សាត់៖ ផ្ទះប្រជាពលរដ្ឋចំនួន៣ខ្នង រងការរលំ ដោយសារភ្លៀងលាយឡំនឹងខ្យល់កន្ត្រាក់យ៉ាងខ្លាំង កាលពីវេលាម៉ោង ៥ និង២០នាទីល្ងាច ថ្ងៃទី២២ ខែឧសភា ឆ្នាំ២០២០ ក្នុងឃុំបឹងខ្នារ ស្រុកបាកាន ។
អាជ្ញាធរស្រុកបាកាន បានឲ្យដឹងថា ប្រជាពលរដ្ឋចំនួន៣គ្រួសារ ដែលជួបគ្រោះថ្នាក់ធម្មជាតិនេះ មានឈ្មោះដូចខាងក្រោម៖ ១-ឈ្មោះខុនឃីម ភេទប្រុស អាយុ ២៧ឆ្នាំ មានសមាជិក៣នាក់ រស់នៅភូមិដើមច្រេស ឃុំបឹងខ្នារ ស្រុកបាកាន (ខ្យល់កន្ត្រាក់រលំ)ផ្ទះឈើប្រក់សង្ក័សីទំហំ៥មx៦ម និងខូចខាតទ្រព្យសម្បត្តិមួយចំនួន ។ ២– ឈ្មោះ រួន ធារ៉ា ភេទប្រុស អាយុ ២៨ឆ្នាំ មានសមាជិក៣នាក់ រស់នៅភូមិខ្នាចរមាសឃុំបឹងខ្នារ ស្រុកបាកាន (ដើមឈើរលំសង្កត់)ជាផ្ទះទៀមប្រក់សង្ក័សីទំហំ៤មx៦ម បាក់មួយចំហៀង និងខូចខាតទ្រព្យសម្បត្តិមួយចំនួន ។និង៣-ឈ្មោះ សុក សុវណ្ណ ភេទស្រី អាយុ ២៨ឆ្នាំ មានសមាជិក៦នាក់ រស់នៅភូមិខ្នាចរមាស ឃុំបឹងខ្នារ ស្រុកបាកាន (ខ្យល់កន្ត្រាក់រលំ)ជាផ្ទះទៀមជញ្ជាំងនិងដំបូលសង្ក័សីទំហំ៤មx៥ម និងនិងខូចខាតទ្រព្យសម្បត្តិមួយចំនួន។
ប្រភពដដែលបានឲ្យដឹងថា ក្រោយមានគ្រោះធម្មជាតិបែបនេះ អាជ្ញាធរមូលដ្ឋានបានធ្វើរបាយការណ៍ជូនទៅសាខាកាកបាទក្រហមខេត្តដើម្បីជួយឧបត្ថម្ភដល់គ្រួសារជនរងគ្រោះទាំង៣គ្រួសារផងដែរ៕ដោយ៖ប្រាថ្នា
