គូប្រជែង Tiger Woods និង Phil Mickelson ហើយកីឡាករ NFL ដ៏ឆ្នើម Tom Brady និង Peyton Manning បានចូលប្រកួតកីឡាវាយកូនហ្គោលដោយចូលរួមគ្នាចំណាយប្រាក់១០ លានដុល្លារអាមេរិកកាលពីថ្ងៃអាទិត្យ។ ព្រឹត្តិការណ៍នេះនឹងរៃអង្គាសប្រាក់សម្រាប់កិច្ចខិតខំប្រឹងប្រែងផ្តល់ជំនួយសង្គ្រោះប្រឆាំងនឹងជំងឺ Covid-19 នៅសហរដ្ឋអាមេរិក។

ការប្រកួតនេះនឹងធ្វើឡើងដោយបិទទ្វារនៅឯទីលានវាយកូនហ្គោល នាទីក្រុងហូបដោយ ដោយមិនមានកន្លែងអង្គុយ ខណៈដែលកីឡាករត្រូវបានអនុញ្ញាតឱ្យបើកឡានវាយកូនហ្គោលផ្ទាល់ខ្លួន។

កម្មវិធីនេះដូចនឹងព្រឹត្តិការណ៍របស់ SK របស់ Rory McIlroy កាលពីសប្តាហ៍មុនដែលមានអ្នកចូលរួមប្រកួតដូចជា Dustin Johnson, Rickie Fowler និង Matthew Wolff ក្នុងជំនួយសប្បុរសធម៌នេះដែរ។

លោក Mickelson បានបង្ហាញពីពានរង្វាន់របស់គាត់អំឡុងពេលប្រកួតកាលពីឆ្នាំ 2018 ខណៈដែល Woods បានបង្ហាញពីអាវដែលគាត់ពាក់ពេលទទួលបានជ័យជម្នះកម្ម​វិធី Masters កាលពីឆ្នាំ 2019 របស់គាត់ដែរ។ ចំណែក Brady ដែលជាដៃគូរបស់ Mickelson និងមិត្តរួមក្រុមលោក Wooding Manning ក៏មានការប្រកួតប្រជែងគ្នាយ៉ាងខ្លាំងផងដែរ

សូមបញ្ជាក់ថា Mickelson បានផ្តួល Tiger Woods ដើម្បីទាមទារប្រាក់រង្វាន់ ៩ លានដុល្លារនៅពេលពួកគេបានជួបគ្នាក្នុងកម្មវិធីប្រកួតមួយនៅទីក្រុង Las Vegas ក្នុងឆ្នាំ២០១៨ ។ អ្នកទាំង២ ធ្លាប់មានប្រវត្តិប្រកួតដ៏តានតឹងជាមួយគ្នា ប៉ុន្តែពួកគេបាននិយាយលេងសើចដាក់គ្នាទៅវិញទៅមកនៅក្នុងការរៃអង្គាសប្រាក់នេះ ដោយមិនគិតពីការប៉ះទង្គិចគ្នាក្នុងពេលប្រកួតកន្លងទៅនោះទេ ៕

ដោយ៖ ភិរក្ស