ភ្នំពេញ៖ ស្ត្រីវ័យ៣១ឆ្នាំម្នាក់រៀននៅសាលាភាសាជប៉ុនបានសម្រេចចិត្តបញ្ចប់ជីវិតដោយចងសម្លាប់ខ្លួនព្រោះតែមានវិបត្តិស្នេហា។
ហេតុការណ៍នេះបានបង្កឱ្យមានការភ្ញាក់ផ្អើលឡើងកាលពីវេលាម៉ោង២រសៀល ថ្ងៃទី២៤ ខែឧសភា ឆ្នាំ២០២០នៅចំណុចផ្ទះលេខ៨ ផ្លូវលេខ១៩៧៤ ក្រុមទី៥ ភូមិពោងពាយ សង្កាត់ភ្នំពេញថ្មី ខណ្ឌសែនសុខ។
សពស្ត្រីខាងលើមានឈ្មោះ សេង ស្រីមុំ អាយុ៣១ឆ្នាំ ជាសិស្សរៀនភាសាជប៉ុន ស្នាក់នៅបន្ទប់ជួលលេខ១ ជាន់ទី២កន្លែងកើតហេតុខាងលើ និងមានស្រុកកំណើតនៅភូមិព្រៃឃ្នេ ឃុំពោធិ៍ម្រាល ស្រុកបរសេដ្ឋ ខេត្តកំពង់ស្ពឺ។
ស្ត្រីឈ្មោះ សន ចរិយា អាយុ៣០ឆ្នាំ ជាមិត្តភក្តិរៀនជាមួយគ្នា ស្នាក់នៅបន្ទប់ជួលក្បែរគ្នាបានឱ្យដឹងថា ស្ត្រីរងគ្រោះបានមកស្នាក់នៅកន្លែងកេីតហេតុអស់រយៈពេល៤ខែមកហេីយដោយនៅជាមួយមិត្តភក្តិស្រីៗបីទៅបួននាក់ទៀត ដេីម្បីរៀនភាសាជប៉ុន។
ក្រោយមកស្ត្រីរងគ្រោះក៏មានទំនាក់ទំនងស្នេហាជាមួយនិឹងបុរសម្នាក់ ដែលគេស្គាល់ឈ្មោះថា ចន្នា អាយុ២២ឆ្នាំ ជាសិស្សរៀនជាមួយគ្នា។ ក្រោយពីមានទំនាក់ទំនងស្នេហាមក ស្ត្រីរងគ្រោះក៏ឈប់ស្នាក់នៅបន្ទប់ជួលជាមួយនិឹងមិត្តភក្តិស្រីៗ ហេីយបានទៅជួលបន្ទប់កេីតហេតុដេីម្បីស្នាក់នៅជាមួយនិឹងបុរសដែលជាសង្សារតែពីរនាក់ដូចជាប្តីប្រពន្ធ។ ក្រោយមកទៀតស្ត្រីរងគ្រោះក៏បានដឹងរឿងរ៉ាវបុរសជាសង្សារមានប្រពន្ធនិងកូនហើយ។ក្រោយពីដឹងរឿងថាបុរសជាសង្សារមានប្រពន្ធមានកូននោះស្ត្រីរងគ្រោះក៏ចាប់ផ្តេីមខូចចិត្តនិងធ្លាប់ប៉ុនប៉ងសម្លាប់ខ្លួនជាច្រើនលើកមកហើយប៉ុន្តែត្រូវបានមិត្តភក្តិជួយទាន់។លុះមកដល់ថ្ងៃកើតហេតុស្រាប់តែមានការភ្ញាក់ផ្អើលឡើងថាឃេីញស្ត្រីរងគ្រោះបានយកអាវចងជាប់និឹងមេដំបូលបន្ទប់ជួលធ្វើអត្តឃាតសម្លាប់ខ្លួនបាត់ទៅហេីយហេីយម្ចាស់ផ្ទះក៏ស្រែកឆោឡោបង្កឲ្យមានការភ្ញាក់ផ្អើលដល់ប្រជាពលរដ្ឋនិងសមត្ថកិច្ចមូលដ្ឋានចុះមកពិនិត្យ។
ក្រោយពេលកើតហេតុសមត្ថកិច្ចមូលដ្ឋានក៏បានទំនាក់ទំនងទៅសមត្ថកិច្ចកោសល្យវិច័យចុះមកពិនិត្យឃើញថាស្ត្រីរងគ្រោះពិតជាស្លាប់ដោយសារចងកសម្លាប់ខ្លួនប្រាកដមែន ហេីយសមត្ថកិច្ចក៏បានទំនាក់ទំនងទៅក្រុមគ្រួសារនិងប្រគល់សពជនងគ្រោះយកទៅធ្វេីបុណ្យតាមប្រពៃណីនៅឯស្រុកកំណេីត៕
ដោយ៖ ចន្ទ លីហ្សា
