ភ្នំពេញ៖ ជនសង្ស័យចំនួន២នាក់ត្រូវបានកម្លាំងល្បាតរបស់អធិការដ្ឋាននគរបាលខណ្ឌមានជ័យធ្វេីការឃាត់ខ្លួននិងដកហូតសោអក្សរតេ(T)សម្រាប់កាច់សោ.កម៉ូតូមួយឈុត។
ហេតុការណ៍នេះបានកេីតឡេីងកាលពីវេលាម៉ោង១រំលងអធ្រាត្រឈានចូលថ្ងៃទី២៨ ខែឧសភា ឆ្នាំ២០២០ នៅចំណុចផ្លូវបេតុង សង្កាត់បឹងទំពុនទី២ ខណ្ឌមានជ័យ។
ជនសង្ស័យដែលត្រូវសមត្ថកិច្ចឃាត់ខ្លួន មានឈ្មោះ ឡុង ភេទប្រុស អាយុ២៥ឆ្នាំ មុខរបរមិនពិតប្រាកដ ស្នាក់នៅក្នុង សង្កាត់បឹងទំពុន២ ខណ្ឌមានជ័យ។ ចំណែកម្នាក់ទៀត មានឈ្មោះ ពន្លឺ ភេទប្រុស អាយុ១៩ឆ្នាំ មុខរបរ មិនពិតប្រាកដ មានទីកន្លែងស្នាក់នៅមិនពិតប្រាកដ ។
តាមសម្តីសមត្ថកិច្ចបានឱ្យដឹងថា មុនពេលកើតហេតុកម្លាំងល្បាតរបស់អធិការដ្ឋាននគរបាលខណ្ឌមានជ័យបានចុះល្បាតក្នុងមូលដ្ឋានពួនស្ទាក់បទល្មេីស លុះមកដល់ចំណុចកេីតហេតុក៏ប្រទះឃេីញជនសង្ស័យកំពុងដេីរ។ដោយមានការសង្ស័យកម្លាំងសមត្ថកិច្ចក៏ហៅសួរនាំនិងសុំធ្វេីការឆែកឆេរ ក៏រកឃេីញដែកអក្សតេសម្រាប់កាច់សោ.កម៉ូតូមួយឈុត ទេីបធ្វេីការឃាត់ខ្លួនតែម្តង។
បច្ចុប្បន្នជនសង្ស័យត្រូវបានសមត្ថកិច្ចធ្វេីការឃុំខ្លួនបណ្តោះអាសន្នរង់ចាំបញ្ជូនទៅអធិការដ្ឋាននគរបាលខណ្ឌមានជ័យដើម្បីចាត់ការតាមច្បាប់៕ដោយ សុខាសែនជ័យ
